Santiago 1:6 - Totonac Coyutla

⁶ Acxni̠ aquinín squi­ni­yá̠hu xta­la­ca­pa̠s­tacni quin­ca̠­mi­ni̠­niyá̠n xli̠­hua̠k qui­na­cujcán nali̠­pa̠­hua­ná̠hu pi̠ naquin­ca̠­ma̠x­qui̠yá̠n. Huá chuná cca̠­li̠­hua­niyá̠n porque a̠má cris­tianos hua̠nti̠ aka­tiyuj lay ni̠ luu li̠huana̠ talu­loka para namak­lhti̠nán hua̠ntu̠ squi­nima Dios, tamá cris­tiano luu xta̠­chuná li̠taxtuy cumu la̠ ta̠ke­ya̠­huaná xalac pupunú hua̠ntu̠ lacatum lacatum qui̠­ma̠­ko­suma uú̠n.

Santiago 1:6 ပူးပေါင်းရင်းမြစ်များ

San Mateo 14:28

Pedro xakát­li̠lh y chiné qui­lhá­nilh: —Quim­pu̠­chi­nacán Jesús, cumu para xli̠­ca̠na huix hua̠nti̠ támpa̠t pus chú na̠ caquin­ta­sa­nipi la̠qui̠ na̠ tla̠n nac­tla̠­huán nac xkalhni chú­chut hasta anta­nícu huix ya̠pi.

Hechos 10:20

Huix ni̠ aka­tiyuj calat huata tuncán caca̠s­ta̠­lani anta­nícu xlacán nata­le̠ná̠n porque aquit cca̠­ma̠­la­ka­cha̠ni̠t.

Efesios 4:14

Acxni̠ chuná naquin­ca̠­qui̠­tax­tu­niyá̠n niaj xta̠­chuná cati­li̠­tax­túhu cumu la̠ lactzu̠ camán hua̠nti̠ para u̠cu tunu hua̠ntu̠ tala­ca­pa̠s­tacni̠t natat­la­huay, caj li̠puntzú aya tunu hua̠ntu̠ tat­la­hua­pu­tum­paray, y laca­pala ca̠liak­ska­hui­mi̠cán a̠túnuj xasa̠sti tas­tac­ya̠hu hua̠ntu̠ taliakchu­hui̠­nam­pu̠lay tama̠­ko̠lh lac­chix­cu­huí̠n hua̠nti̠ na̠ xaaktzanká̠n tala­má̠­nalh.

1 Timoteo 2:8

Aquit cla­cas­quín pi̠ xli̠­hua̠k cris­tianos la̠tachá nícu y anka­lhi̠ná cata­kalh­ta­hua­ká­nilh Dios, y acxni̠ nata­chexa xmacancán y nata­lak­lacá̠n Dios hua̠ntu̠ aksti̠tum cata­huí­li̠lh xna­cujcán ni̠ti̠ cata­si̠­tzí̠­nilh y ni̠ti̠ cata­ta̠­la̠­hua­ni­pú­tulh.

Hebreos 10:23

Luu tli­hueklh cahui­lí̠tit min­ta­ca̠­naj­latcán y li̠pa̠­xúhu caka­lhi̠­ta­hui­látit acxni̠ naca̠­ma̠x­qui̠­ca­ná̠tit hua̠ntu̠ quin­ca̠­ma̠­lac­nu̠­ni­ca­ni̠tán caj xpa̠­la­cata cumu li̠pa̠­hua­ná̠hu Cristo; porque xli̠­hua̠k hua̠ntu̠ Dios quin­ca̠­ma̠­lac­nu̠­ni­ni̠tán tancs ámaj ma̠kan­taxti̠y.

Hebreos 11:6

Pero ni̠para cha̠tum tícu tla̠n namaka­pa̠­xu­huay Dios para ni̠ li̠pa̠­huán, y xli̠­hua̠k hua̠nti̠ lak­ta­la­ca­tzu­hui̠­putún Dios, xla­ca­squinca pu̠lh naca̠­najlay pi̠ Dios lama xas­tacná y ca̠ma̠x­qui̠y li̠pa̠­xúhu latáma̠t xli̠­hua̠k hua̠nti̠ tapu­tzay y tali̠­pa̠­huán.

Hebreos 13:9

Luu cuentaj cat­la­huátit ni̠tu̠ tili̠­taak­ska­hui­ta­pa̠­yá̠tit a̠túnuj tala­ca­pa̠s­tacni hua̠ntu̠ naca̠­hua­ni­ca­ná̠tit pi̠ huá luu a̠tzinú mili̠­ma̠­kan­tax­ti̠tcán para xli̠­ca̠na maka­pa̠­xu­hua­pu­tu­ná̠tit Dios, huata caj xma̠n huá cali̠­pa̠­huántit xta­pá̠x­qui̠t Dios, cali̠­mak­xtéktit pi̠ huá cali̠­tat­lí­huek­lhli mina­cujcán, y niaj huá cama̠­kan­tax­ti̠­pu­tútit hua̠ntu̠ huancán pi̠ “ni̠ nahua­yá̠tit tamá tahuá”, o la̠tachá túcuya̠ caj tas­maní̠n, porque xli̠­hua̠k tama̠­ko̠lh tas­maní̠n ne̠c­xnicú luu li̠ma­cuani̠t.

Santiago 1:7

Hua̠nti̠ chuná li̠lay xta­ca̠­nájlat, ¿a poco lac­pu­huán chú pi̠ Dios nama̠x­qui̠y hua̠ntu̠ squi­nima?

Santiago 5:15

Y cumu xli̠­hua̠k xli̠t­li­hueke xta­ca̠­naj­latcán nata­kalh­ta­hua­kaniy Dios a̠má ta̠tatlá natat­la̠nti̠y porque huá Quim­pu̠­chi­nacán nama̠t­la̠nti̠y; y para huá xli̠­pa̠­ti̠ma caj xpa̠­la­cata xta­la̠­ka­lhí̠n hua̠ntu̠ xtit­la­huani̠t, xli̠­ca̠na pi̠ Dios hua̠k nama̠­tzan­ke̠­naniy.

2 San Pedro 2:17

Tama̠­ko̠lh aksa­ni̠­naní̠n ma̠kalh­ta­hua­ke̠­naní̠n xta̠­chuná tali̠­taxtuy cumu la̠ aktum pu̠lhmá̠n pozo hua̠ntu̠ niaj musnún, xta̠­chuná tali̠­taxtuy cumu la̠ puc­lhni hua̠ntu̠ la̠li̠­huán snoklé̠n ú̠n; caj xpa̠­la­cata xta­la̠­ka­lhi̠ncán hua̠ntu̠ tat­la­hua­má̠­nalh amá̠­calh ca̠ma­ca̠ncán anta­nícu xaca̠­pucsua la̠qui̠ antá naca̠­ma̠­pa̠­ti̠­ni̠cán cane̠c­xni­cahuá quilh­ta­macú.