Romanos 14:14 - Totonac Coyutla

¹⁴ Aquit cca­tzi̠y pi̠ ni̠para pu̠lactum ni̠tlá̠n hua̠ntu̠ Dios quin­ca̠­ma̠x­qui̠­ni̠tán xla­cata nali̠­hua̠­ya­ná̠hu porque xli̠­hua̠k hua̠ntu̠ Dios tla­huani̠t hua̠k tla̠n, pero para huí ti̠ lac­pu­huán pi̠ ni̠tlá̠n pus xli̠­ca̠na pi̠ ni̠tlá̠n porque huá ni̠tlá̠n tla­huama.

Romanos 14:14 ပူးပေါင်းရင်းမြစ်များ

San Marcos 7:2

Cumu aya xtas­ka­laj­má̠­nalh xla­cata nata­mac­laniy hua̠ntu̠ nata­li̠­ya̠­huay taúcxilhli xla­cata maka­pi­tzí̠n xdis­cí­pulos acxni̠ xta­hua̠yán ni̠ xta­ma­ka­chakán cumu la̠ xta­li̠s­ma­ni̠ni̠t judíos xta­li̠­ca̠c­ni̠­naniy Dios, huá xla­cata tzu­cú­calh ca̠liaksancán.

Hechos 10:28

Pedro chiné ca̠huá­nilh: —Aquit ni̠para maktum a̠ can ca̠la­ka­ta̠yay nac xchiccán a̠ma̠ko̠lh cris­tianos hua̠nti̠ ni̠ judíos, porque cumu la̠ hui­xinín catzi̠­yá̠tit hua̠ xli̠­ma̠­pek­si̠ncán judíos ni̠ quin­ca̠­ma̠x­qui̠yá̠n tala­cas­quín xla­cata nac­ca̠­ta̠­ta­lak­xtu­mi̠­yá̠hu porque mat cli̠x­ca­jua̠la­ta̠­ya­yá̠hu; pero cumu chú luu ma̠n huá Dios qui­ma̠­ca­tzi̠­ni̠ni̠t xla­cata pi̠ ni̠ li̠xcáj­nit cac­ca̠­li̠­má̠x­tulh cris­tianos hua̠nti̠ xlá aya ca̠ma̠t­la̠n­ti̠ni̠t,

Romanos 14:2

Huá chuná cca̠­li̠­hua­niyá̠n porque maka­pi­tzí̠n hua̠nti̠ aya aksti̠tum tahui­li̠ni̠t xta­la­ca­pa̠s­tac­nicán nac xla­catí̠n Dios, xlacán taca­tzi̠y pi̠ ma̠squi la̠ta túcu ya̠ li̠hua tla̠n nata­li̠­hua̠yán ni̠ tat­la­huay tala̠­ka­lhí̠n; pero maka­pi­tzí̠n hua̠nti̠ ni̠naj tli­hueke xta­ca̠­naj­latcán aka­tiyuj talay y caj xma̠nhuá tali̠­hua̠yán xta­huácat qui­huí̠n osuchí lactzu̠ palhma.

Romanos 14:20

Huix ni̠ calac­tla­hua­ya̠hua a̠má ta­scújut hua̠ntu̠ Dios ma̠la­ca­tzu­qui̠ni̠t nac xla­ta­ma̠tcán a̠ma̠ko̠lh cris­tianos hua̠nti̠ aya tatzu­cuni̠t tali̠­pa̠­huán caj xpa̠­la­cata cumu luu quilh­pa̠xtum li̠hua̠­yam­pu­tuna hua̠ntu̠ xa̠maka­pi­tzí̠n aka­tiyuj tali̠lay.

Romanos 14:23

Pero a̠má cris­tiano hua̠nti̠ aka­tiyuj lay acxni̠ hua­putún para li̠hua o para túcuya̠ tahuá porque pe̠cuán chicá para li̠huán Dios, xli̠­ca̠na pi̠ acxni̠ chú huay tala̠­ka­lhí̠n qui̠­tax­tuniy porque xlá tlá­hualh hua̠ntu̠ xta­la­ca­pa̠s­tacni ni̠ ma̠t­la̠nti̠y, cumu para hua̠ntu̠ tla­huaya ni̠ ma̠t­la̠nti̠y min­ta­la­ca­pa̠s­tacni pus laca­tancs cacatzi pi̠ tala̠­ka­lhí̠n qui̠­tax­tu­niyá̠n.

1 Corintios 10:25

Xli̠­hua̠k li̠hua hua̠ntu̠ sta̠cán nac pu̠stá̠n para pim­pá̠tit tama̠­hua­yá̠tit pus ni̠ caka­lhas­qui­ni̠­nántit para pi̠ li̠la­ka­chix­cu­hui̠­cani̠t tzincun o ni̠tu̠ li̠la­ka­chix­cu­hui̠­cani̠t, hua­tiyá pi̠ quilh­pa̠xtum cata­ma̠­huátit y cahuátit.

1 Corintios 8:10

Hui­xinín hua̠nti̠ catzi̠­yá̠tit pi̠ la̠tachá túcuya̠ tahuá hua̠k tla̠n, y para xamaktum napina nac xpu̠­si­culan tzincun y nali̠­hua̠­yana a̠má tahuá hua̠ntu̠ aya li̠la­ka­chix­cu­hui̠­cani̠t, y para ucxilhmá̠n cha̠tum cris­tiano hua̠nti̠ a̠cu tzu­cuni̠t li̠pa̠­huán Cristo, xalán nalac­pu­huán pi̠ na̠ tla̠n nahuay a̠má tahuá.

1 Corintios 8:7

Pero ni̠ xli̠­hua̠k hua̠nti̠ aya tali̠­pa̠­huán Jesús li̠huana̠ taaka­ta̠ksa hua̠ntu̠ cca̠­hua­nimá̠n, porque lhu̠hua hua̠nti̠ xamaká̠n xla­ta­ma̠tcán xta­li̠s­ma­ni̠ni̠t xta­la­ka­chix­cu­hui̠y tzincun cumu lá xas­tacná xpu̠­chi­nacán. Acxni̠ chú tahuay a̠má tahuá hua̠ntu̠ li̠la­ka­chix­cu­hui̠­cani̠t tzincun luu aka­tiyuj talay talac­pu­huán pi̠ ni̠tlá̠n hua̠ntu̠ tat­la­hua­má̠­nalh porque a̠má tzincun chu­nacú tali̠­ma̠xtuy cumu la̠ cha̠tum dios hua̠nti̠ ni̠ xli̠­la­ka­chix­cu­hui̠tcán. Y cumu ni̠naj aksti̠tum taka­lhi̠y xta­la­ca­pa̠s­tacni ni̠ taca­tzi̠y pi̠ tama̠­ko̠lh tzincun ni̠tu̠ tali̠­ma­cuán huata talac­pu­huán pi̠ acxni̠ tahuay a̠má tahuá tali̠x­ca­jua̠lay nac xla­ta­ma̠tcán.

1 Timoteo 4:4

Porque xli̠­hua̠k hua̠ntu̠ Dios tla­huani̠t hua̠k tla̠n, y ni̠para pu̠lactum quin­ca̠­mi­ni̠­niyá̠n nalak­ma­ka­ná̠hu porque para hua̠ntu̠ xlá tla­huani̠t aquinín li̠hua̠­ya­ná̠hu chuná li̠pa̠x­cat­ca­tzi̠­ni­yá̠hu Dios.

Tito 1:15

Porque a̠má cris­tiano hua̠nti̠ tla̠n le̠ma xta­la­ca­pa̠s­tacni xlá sta­lanca catzi̠y pi̠ xli̠­hua̠k hua̠ntu̠ Dios ma̠lacnu̠y tla̠n naca̠­naj­la­yá̠hu, pero hua̠nti̠ ni̠ aksti̠tum tale̠­má̠­nalh xta­la­ca­pa̠s­tac­nicán aka­tiyuj talay y ni̠ taca̠­naj­la­putún hua̠ntu̠ huan Dios, pero huá chuná qui̠­li̠­taxtuy porque xli̠­hua̠k xta­la­ca­pa̠s­tacni ma̠x­ca­jua̠li̠­ko̠ni̠t y ma̠squi la̠ta túcuya̠ tla̠n tala­ca­pa̠s­tacni anán juerza nata­lak­makán.