Romanos 14:11 - Totonac Coyutla

¹¹ Porque nac li̠kalh­ta­huaka chiné tatzokni̠t: Xli̠­ca̠na pi̠ aquit Dios laca­tancs cuan pi̠ juerza namín quilh­ta­macú acxni̠ xli̠­hua̠k cris­tianos naquin­ta­la­ka­ta­tzo­kostay, y nata­ma̠­lu­loka pi̠ xli̠­ca̠na aquit clama Dios xas­tacná.

Romanos 14:11 ပူးပေါင်းရင်းမြစ်များ

San Mateo 10:32

’Huá a̠má chixcú hua̠nti̠ nali̠­ta̠yay nac xlak­sti̠­pa̠ncán cris­tianos pi̠ xli̠­ca̠na qui­li̠­pa̠­huán pus na̠chuná chú aquit na̠ nac­li̠­ta̠­ya­ya̠chá pi̠ xli̠­ca̠na huá qui­lac­scujni nac xla­catí̠n Quin­tla̠t hua̠nti̠ hui­lachá nac akapú̠n.

Romanos 10:9

Porque para huá min­quilhni li̠ma̠­lu­loka pi̠ huá Cristo Mim­pu̠­chiná y nac minacú ca̠naj­laya pi̠ xli̠­ca̠na Dios ma̠la­cas­ta­cuáni̠lh nac ca̠li̠ní̠n, pus chuná tla̠n namac­laya lak­táxtut nac xla­catí̠n Dios.

Romanos 15:9

Pero na̠chuna li̠túm xlá qui̠­lachi la̠qui̠ naca̠­lak­ma̠xtuy hua̠nti̠ ni̠ judíos y chuná lac­xtum nata­la­ka­chix­cu­hui̠y Dios caj xpa̠­la­cata xta­la­ka­lha­maní̠n, chuná cumu la̠ tatzokni̠t nac li̠kalh­ta­huaka anta­nícu chiné huan: Huá xpa̠­la­cata cli̠­la­ka­chix­cu­hui̠yá̠n nac xlak­sti̠­pa̠ncán hua̠nti̠ ni̠ judíos la̠qui̠ nac­ma̠­siyuy min­ta­la­ka­lha­maní̠n, y tla̠n li̠pa̠­xúhu nac­quilh­tli̠­niyá̠n.

1 San Juan 4:15

La̠tachá tícuya̠ cris­tiano li̠ta̠yay pi̠ Jesús huá Xka­huasa Dios, xli̠­ca̠na pi̠ tamá cris­tiano lac­xtum ta̠lama Dios, y Dios na̠ antá lama nac xla­táma̠t.

2 San Juan 1:7

Luu cuentaj cat­la­huátit porque luu lhu̠hua tala­pu̠lay aksa­ni̠­naní̠n hua̠nti̠ talak­makán, li̠xcáj­nit tali̠­kalh­chu­hui̠nán y ni̠ taca̠­naj­la­putún xla­cata pi̠ Quim­pu̠­chi­nacán Jesús xli̠­ca̠na chixcú tíhua y qui̠­la­ta­ma̠chi nac ca̠quilh­ta­macú cumu la̠ cati̠hua̠ chixcú. Xli̠­hua̠k hua̠nti̠ ni̠ chuná tama̠­siyuy hua̠k caj aksa­ni̠­naní̠n.

Apocalipsis 5:14

Ama̠­ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhí̠n, takalh­tí̠­nalh: —¡Chuná calalh, amén! Y a̠ma̠ko̠lh puxa­ma­ta̠ti lak­ko̠lún pu̠tum tala­ka­ta­tzo­kós­talh y tzú­culh ca̠la­ka­chix­cu­hui̠y.