San Mateo 12:24 - Totonac Coyutla

²⁴ Pero acxni̠ a̠ma̠ko̠lh fariseos taka­lha­káx­matli hua̠ntu̠ xlacán xta­qui­lhuamá̠­nalh xlacán chiné táhua: —Eé chixcú tla̠n ca̠ta­mac­xtuy xes­pi­ri­tucán akska­huiní porque xlá huá ta̠s­cujma y li̠pa̠­huán Beel­zebú hua̠nti̠ xapuxcu diablo, y huá ma̠x­qui̠ni̠t xli̠t­li­hueke.

San Mateo 12:24 ပူးပေါင်းရင်းမြစ်များ

San Mateo 10:25

Amá hua̠nti̠ caj li̠ma̠­kalh­ta­huáke̠t caj xma̠n huá xlá capa̠x­cat­cá­tzi̠lh pi̠ maca­sta̠­lama xma̠­kalh­ta­hua­ke̠ná, y na̠chuná a̠má hua̠nti̠ caj tasa̠cua capa̠x­cat­cá­tzi̠lh pi̠ hua̠ntu̠ lak­cha̠ma xpatrón nac xla­táma̠t juerza na̠ nalak­chá̠n. Huá cca̠­li̠­hua­niyá̠n, para cha̠tum xpu̠­china chiqui li̠ma̠­pa̠­cu­hui̠cán Beel­zebú o xapuxcu akska­huiní, ¿lac­pu­hua­ná̠tit chú hui­xinín pi̠ li̠huaca ni̠ cala̠huá cati­ca̠­hua­ní­calh hua̠nti̠ xlá xli̠­ta­la­ka­pasni?

San Mateo 9:32

Acxni̠ a̠ma̠ko̠lh lac­chix­cu­huí̠n hua̠nti̠ ca̠ma̠­la­cat­la̠n­tí̠­calh aya xta­tax­tu­má̠­nalh nac chiqui, tachimpá maka­pi­tzí̠n lac­chix­cu­huí̠n y tali̠­mí­nilh Jesús cha̠tum chixcú ko̠ko porque huá xes­pí­ritu akska­huiní xma̠­ko̠­ke̠ni̠t.

San Mateo 9:34

Pero maka­pi­tzí̠n fariseos chiné xta­huán: —Umá chixcú tla̠n ca̠ta­mac­xtuy xes­pi­ri­tucán akska­huiní porque huá li̠pa̠­huán y ta̠s­cujma xapuxcu akska­huiní, y huá chú ma̠x­qui̠ni̠t xli̠t­li­hueke.

San Marcos 3:22

Y na̠chuná xma̠­kalh­ta­hua­ke̠­nacán judíos hua̠nti̠ xta­mi­ni̠­tanchá nac Jeru­salén chiné xta­huán: —Eé chixcú huá ta̠s­cujma Beel­zebú xapuxcu diablo, y caj xli̠t­li­hueke Beel­zebú ca̠li̠­ta­mac­xtuy xes­pi­ri­tucán akska­huiní.

San Lucas 11:14

Maktum quilh­ta­macú Jesús xmac­ta­mac­xtuma xes­pí­ritu akska­huiní cha̠tum chixcú hua̠nti̠ luu xmaka­tla­jani̠t y xma̠­ko̠­ke̠ni̠t. Acxni̠ a̠má xes­pí­ritu akska­huiní mac­táx­tulh, a̠má chixcú hua̠nti̠ xko̠­ko̠ni̠t tla̠n tzú­culh chu­hui̠nán. Xli̠­hua̠k cris­tianos luu cacs tali̠­la­cáhua hua̠ntu̠ Jesús xlá xtla­huani̠t,

San Lucas 11:15

pero maka­pi­tzí̠n chiné tzú­culh tahuán: —Eé chixcú huá ca̠li̠­ta­mac­xtuy xes­pí­ritu akska­huiní porque xlá kalhi̠y xli̠t­li­hueke Beel­zebú hua̠nti̠ luu xapuxcu diablo.