Xnacujcán u̠ma̠ko̠lh cristianos luu xli̠ca̠na tama̠palhi̠ni̠t; ma̠squi xlacán takaxmata pero ni̠lay taakata̠ksa, ma̠squi luu kalhi̠ko̠y xlakastapucán chunatiyá cumu la̠ lakatzí̠n talamá̠nalh la̠qui̠ chuná ni̠ natali̠lacahua̠nán xlakastapucán y na̠ ni̠para huá xtake̠ncán natali̠kaxmata, ni̠mpara huá xnacujcán nataliakata̠ksa; y chuná ni̠ caquintitali̠pá̠hua xlacata pi̠ aquit nacca̠ma̠tla̠nti̠y y nacca̠lakma̠xtuniy xli̠stacnicán.
San Juan 8:37 - Totonac Coyutla37 Xli̠ca̠na aya ccatzi̠y pi̠ huixinín mili̠talakapasnicán xuani̠t a̠má xamaká̠n kolutzí̠n Abraham, pero ma̠squi chuná huixinín quila̠makni̠putuná̠hu porque ni̠ ma̠tla̠nti̠yá̠tit hua̠ntu̠ aquit cca̠huaniyá̠n. အခန်းကိုကြည့်ပါ။ |
San Juan 8:37
22 ပူးပေါင်းရင်းမြစ်များ
Y ni̠ huata caj cali̠lacata̠qui̠nántit xlacata pi̠ cumu xli̠talakapasni Abraham huixinín chú ni̠lay túcu catica̠akspulán. Porque xli̠ca̠na pi̠ ni̠chuná catiqui̠táxtulh porque para huixinín caj xma̠nhuá li̠maclacapiná̠tit pus aquit lacatancs cca̠huaniyá̠n pi̠ para Dios chuná xlacásquilh u̠ma̠ko̠lh chíhuix xlá tla̠n xca̠li̠má̠xtulh xli̠talakapasni Abraham.
Ama̠ko̠lh cristianos hua̠nti̠ ni̠ ta̠lama Espíritu Santo nac xlatama̠tcán ni̠ tama̠tla̠nti̠y hua̠ntu̠ ma̠lacapa̠stacni̠nán Xespíritu Dios porque xlá lacpuhuán pi̠ ni̠tu̠ li̠macuán, xa̠huachí hasta ni̠lay taakata̠ksa porque u̠má hua̠ntu̠ cca̠huanimá̠n caj xma̠nhuá tla̠n taakata̠ksa hua̠nti̠ takalhi̠y xtalacapa̠stacni Espíritu Santo.
Aquit cca̠tzoknunini̠tán xli̠hua̠k huixinín quincamaná̠n porque lakapasni̠tátit tícu Quintla̠ticán Dios. Na̠chuná cca̠tzoknunín huixinín lakko̠lún porque lakapástit a̠má hua̠nti̠ xla̠ta xlama hasta la̠ta nia̠ xma̠lacatzuqui̠cán ca̠quilhtamacú. Na̠chuná cca̠tzoknunín huixinín lakkahuasán porque cumu huixinín laktlihuekén y luu li̠pa̠xúhu makamaklhti̠nani̠tátit nac minacujcán xtachuhuí̠n Dios huá xpa̠lacata tla̠n li̠makatlajani̠tátit xma̠tlahui̠ná tala̠kalhí̠n.
ကြော်ငြာတွေ