Hechos 23:4 - Totonac Coyutla

⁴ —¡Cacs caquí­lhuanti! ¿Túcu xpa̠­la­cata chuná li̠kalh­ti̠­pa̠x­toka cha̠tum xapuxcu cura hua̠nti̠ Dios lac­sacni̠t xla­cata pi̠ nas­cuj­naniy? —tahuá­nilh hua̠nti̠ lacatzú xta­la­ka­yá̠­nalh Pablo.

Hechos 23:4 ပူးပေါင်းရင်းမြစ်များ

San Mateo 5:11

’Y na̠chuná luu lac­li̠­pa̠­xúhu caca̠­li̠­pu̠lh­ca̠­cántit hui­xinín acxni̠ caj quim­pa̠­la­cata li̠xcáj­nit tachu­huí̠n naca̠­hua­ni­ca­ná̠tit, naca̠­pu­tza­sta̠­la­ca­ná̠tit, naca̠­ma̠x­tu­ni­ca­ná̠tit ta̠k­saní̠n hua̠ntu̠ hui­xinín naca̠­li̠­ya̠­hua­ca­ná̠tit.

Hechos 23:3

Pero Pablo chiné huá­nilh: —Dios amá̠n quilh­ma̠x­qui̠yá̠n hua̠ntu̠ huix luu quilh­la­cas­químpa̠t, aksa­ni̠na chixcú, porque ni̠ ma̠kan­tax­tí̠pa̠t xli̠­ma̠­peksí̠n Dios hua̠ntu̠ títzokli Moisés. Huix tanú hui­lapi cumu la̠ juez la̠qui̠ laca­ti̠tum naquim­pu­tza̠­na­niya hua̠ntu̠ ni̠tlá̠n ctla­huani̠t, ¿túcu chi̠nchú xpa̠­la­cata li̠ma̠­pek­si̠­námpa̠t naquin­quilh­lascán?

Hechos 23:5

Pablo ca̠huá­nilh: —Caqui­la̠­ma̠­tzan­ke̠­na­níhu hua̠ntu̠ cuá, porque aquit ni̠ xac­ca­tzi̠y para huá lanca xapuxcu cura. Porque nac xta­chu­huí̠n Dios hua̠ntu̠ tatzok­ta­hui­lani̠t nac li̠kalh­ta­huaka chiné huan: “Ni̠ cali̠­kalh­ka­má̠­nanti ma̠pek­si̠ná hua̠nti̠ pux­cuni̠t nac mim­pu̠­la­tama̠n.”