Hechos 21:9 - Totonac Coyutla

⁹ Felipe xka­lhi̠y kalha­ta̠ti xlac­tzu­maján hua̠nti̠ nia̠ xta­ta­maka­xtoka, y Dios xca̠­ma̠x­qui̠ni̠t xta­la­ca­pa̠s­tacni la̠qui̠ nata­liakchu­hui̠nán.

Hechos 21:9 ပူးပေါင်းရင်းမြစ်များ

San Lucas 2:36

Na̠ antá xlaya nac lanca pu̠si­culan cha̠tum pusca̠t hua̠nti̠ na̠ luu xaka­ta̠ksa xta­la­ca­pa̠s­tacni Dios, u̠má pusca̠t xuanicán Ana; xtla̠t xuanicán Fanuel, u̠má chixcú antá xta­peksi̠y nac aktum ca̠chi­quí̠n hua̠ntu̠ xma̠­quilh­tzu­qui̠ni̠t a̠má xamaká̠n chixcú xuanicán Aser. Ana luu tzi­caná xuani̠t, acxni̠ luu tzu­ma̠tcú xuani̠t xlá tita­ma­káx­tokli, luu tla̠n aktujún ca̠ta ta̠la­tá­ma̠lh xta̠­ko̠lú, pero xlá ni̠lh y chu­natá ca̠ta caj sacstu xlama.

Hechos 13:1

Nac Antioquía xta­hui­lá̠­nalh maka­pi­tzí̠n lak­ska­lalán ma̠kalh­ta­hua­ke̠­naní̠n hua̠nti̠ xca̠­hua­nicán pro­fetas porque tla̠n xta­li̠­ma̠­kalh­chu­hui̠ni̠y cris­tianos xta­la­ca­pa̠s­tacni Dios, xlacán chiné xca̠­li̠­ma̠­pa̠­cu­hui̠cán: Ber­nabé, Simón hua̠nti̠ xli̠­ma̠­pa̠­cu­hui̠cán El Negro, Lucio xalac Cirene, Manaén (eé chixcú lac­xtum xta̠s­tacni̠t Herodes hua̠nti̠ xma̠­pek­si̠nán nac Gali­lea), xa̠hua Saulo.

Hechos 2:17

Chiné huán Dios: Acxni̠ nalak­chá̠n a̠má a̠huata quilh­ta­macú aquit nac­ca̠­ma̠x­qui̠y xli̠­hua̠k cris­tianos quiEspíritu. Laka­huasán xa̠hua lac­tzu­maján hua̠nti̠ min­ca­mancán nata­li̠­chu­hui̠nán hua̠ntu̠ aquit quin­ta­la­ca­pa̠s­tacni. Laka­huasán hua̠nti̠ cajcu tas­tac­má̠­nalh xlacán lhu̠hua hua̠ntu̠ nac­ca̠­li̠­ma̠­la­ca­hua̠ni̠y, y lak­ko̠­lu­tzi̠nni catu̠huá hua̠ntu̠ aquit nac­ca̠­li̠­ma̠­ma̠­nixni̠y.

1 Corintios 7:38

Eé qui̠­taxtuy para cha̠tum kahuasa hua̠nti̠ squi­ni̠­nani̠t aktum catzi̠y pi̠ nata̠­ta­maka­xtoka xtas­quín, pus xli̠­ca̠na pi̠ tla̠n hua̠ntu̠ tla­huay cumu tamaka­xtoka, pero para xamaktum luu aktum catzi̠y pi̠ ni̠ tamaka­xtok­putún pus luu li̠huaca tla̠n qui̠­tax­tuniy pi̠ ni̠ nata­maka­xtoka.

Apocalipsis 2:20

Pero ma̠squi hui­xinín lac­pu­hua­ná̠tit pi̠ xli̠­ca̠na aksti̠tum qui­la̠­li̠s­cuj­má̠hu juerza huí hua̠ntu̠ camá̠n ca̠li̠­quilh­ni̠yá̠n: hui­xinín ma̠t­la̠n­ti̠­yá̠tit y ma̠x­qui̠­yá̠tit quilh­ta­macú xla­cata pi̠ tamá li̠xcáj­nit pusca̠t hua­nicán Jezabel, hua̠nti̠ huan pi̠ na̠ huá xta­chu­huí̠n Dios li̠chu­hui̠nán ma̠squi xli̠­ca̠na pi̠ caj aksa­ni̠nán, porque a̠má xtas­tac­yá̠hu hua̠ntu̠ xlá ma̠siyuy, ca̠li̠­lac­tla­hua­ya̠­huay cris­tianos hua̠nti̠ quin­ta­li̠s­cuja, xlá ca̠ma̠t­la­hui̠y li̠xcáj­nit tala̠­ka­lhí̠n xla­cata catu̠huá cata­li̠­maka­pa̠­xú­hualh xmac­nicán y cata­li̠­huá̠­yalh tahuá hua̠ntu̠ ca̠li̠­la­ka­chix­cu­hui̠­cani̠t tzincun.