Hebreos 8:9 - Totonac Coyutla

⁹ Umá xasa̠sti tala­ca̠xlán hua̠ntu̠ nac­ca̠­ta̠t­la­huay cris­tianos ni̠ xta̠­chuná cumu la̠ tu̠ cti­ca̠­ta̠t­lá­hualh xalak­maká̠n xli̠­ta­la­ka­pas­nicán acxni̠ aquit cca̠­mak­tá̠­yalh y cca̠­ta­mac­xtuchá nac xaca̠­chi­quí̠n Egipto; pero cumu xlacán ni̠ tat­la­hua­pú­tulh hua̠ntu̠ na̠ xquin­ta­li̠­ta̠­ya­nini̠t, huá xpa̠­la­cata cca̠­liak­xtek­má­kalh nac desierto.

Hebreos 8:9 ပူးပေါင်းရင်းမြစ်များ

San Marcos 8:23

Pus Jesús le̠lh a̠má laka­tzí̠n nac xqui­lhapá̠n ca̠chi­quí̠n, antá li̠la­cat­lá­hualh xchújut nac xla­kas­tapu y kalhás­quilh para tla̠n tzinú laca­hua̠nán.

Hechos 13:11

Pero la̠nchú Dios amá̠n ma̠xo­ko̠­ni̠yá̠n xli̠­hua̠k min­ta­la̠­ka­lhí̠n, huix la̠nchú pímpa̠t laka­xo̠­ko̠na y niaj catiúcxilhti xtax­káket chi­chiní. Amá Elimas acxni­tuncán poklh lacáhua y niajlay laca­huá̠­nalh y tzú­culh ca̠huaniy hua̠nti̠ antá xta­la­yá̠­nalh xla­cata pi̠ cata­pe­ke­chi­pá­le̠lh la̠qui̠ ni̠ nata­cuctay porque ni̠lay xla­ca­hua̠nán.

Hechos 7:36

Moisés ca̠pux­cú̠­nilh israel­itas la̠qui̠ nata­tza̠­la­ya̠chá nac Egipto, antá xlá ca̠t­la­huachá lac­lanca li̠cá̠cni̠t ta­scújut, y na̠chuná tlá­hualh nac pupunú hua­nicán Mar Rojo, huá xla­cata tla̠n tali̠­pa̠­tá­cutli y chuná xca̠­ta̠­la­pu̠lay nac desierto ti̠puxam ca̠ta.

Hechos 9:8

Saulo laka­siyu tzú­culh ta̠yay, y tzák­salh xma̠­paj­la­qui̠­putún xla­kas­tapu pero ni̠lay laca­huá̠­nalh porque xla­ka­xo̠­ko̠ni̠t; huata csol­dados tape­ke­chi­pá­le̠lh hasta nac Da­masco.

Gálatas 4:24

Xli̠­hua̠k u̠má hua̠ntu̠ tikan­tax­tuni̠t hui̠ntú quin­ca̠­li̠­ma̠­si­yu­ni­pu­tuná̠n Dios porque u̠ma̠ko̠lh cha̠tiy lac­chaján tali̠­taxtuy cumu la̠ pu̠lactiy tala­ca̠xlán: pu̠lactum huá li̠taxtuy a̠má tala­ca̠xlán hua̠ntu̠ ma̠s­tá̠­calh nac a̠má lanca ke̠stí̠n xalac Sinaí huam­putún pi̠ huá Agar, xli̠­hua̠k hua̠nti̠ antá tamak­ta­peksi̠y nac u̠má tala­ca̠xlán tla̠n ta̠ma̠­la­cas­tu­cá̠hu cumu la̠ xca­maná̠n a̠má xatastá̠n pusca̠t hua̠nti̠ na̠ xata­chí̠n tala­ca­chín cumu la̠ xtzicán.