Hebreos 6:3 - Totonac Coyutla

³ Huata aquit clac­pu­huani̠t, para Dios lacas­quín, nac­ca̠­li̠­ma̠­kalh­chu­hui̠­ni̠yá̠n tunu tala­ca­pa̠s­tacni hua̠ntu̠ na̠ luu mili̠­ca­tzi̠tcán y naca̠­ma̠ak­sti̠­tu­mi̠­li̠yá̠n nac mila­ta­ma̠tcán.

Hebreos 6:3 ပူးပေါင်းရင်းမြစ်များ

Hechos 18:21

Pero Pablo ni̠ tamak­xtek­pú­tulh y chiná ca̠huá­nilh: —La̠nchú ni̠lay cca̠­ta̠­ta­mak­xteká̠n, pero para Dios lacas­quín nac­ca̠­lak­mim­pa­rayá̠n ni̠maka̠s quilh­ta­macú. Aca­li̠stá̠n chú taca̠xpá, táju̠lh nac barco y alh pekán nac Cesarea.

Romanos 15:32

Cumu para huá Dios chuná lacas­quín li̠pa̠­xúhu aquit xac­ca̠­la­kan­chá̠n y acxni̠ chú xla̠ucxi­lhui acxtum xka­lhí̠hu tapa̠­xu­huá̠n.

1 Corintios 16:7

Aquit ni̠tu̠ cca̠­ti̠­la­ka­pa­xia̠lhnamá̠n caj xataac­lhcu­cutni huata clac­pu­huán pi̠ juerza maka̠s nac­ca̠­ta̠­la­ta­ma̠yá̠n, para Dios lacas­quín.

1 Corintios 4:19

Pero para Dios lacas­quín ni̠para maka̠s quilh­ta­macú nac­ca̠­la­ka­pa­xia̠lhnaná̠n, y acxnicú chú nacuc­xilha para xli̠­ca̠na talak­tzak­sa­má̠­nalh nac xla­ta­ma̠tcán hua̠ntu̠ tahuán, aver para ni̠ caj ma̠rí tali̠­la­ca­ta̠­qui̠nán tama̠­ko̠lh hua̠nti̠ ma̠rí tahuán.

Hebreos 6:4

Porque a̠ma̠ko̠lh cris­tianos hua̠nti̠ aya tita­mak­lhtí̠­nalh xtax­káket Dios, tamak­lhcá­tzi̠lh xli̠t­li­hueke nac xla­ta­ma̠tcán xa̠hua a̠má tapa̠­xu­huá̠n hua̠ntu̠ tamaklh­ca­tzi̠y acxni̠ tali̠­la­má̠­nalh Espíri­tu Santo,

Santiago 4:15

Huata acxni̠ nakalh­chu­hui̠­na­ná̠tit chiné mili̠­hua­natcán: “Para Dios lacas­quín nala­ta­ma̠­yá̠hu cha̠lí quilh­ta­macú, naaná̠hu nac a̠má ca̠chi­quí̠n, aver para túcu antá nali̠s­cu­ja̠­chá̠hu.”