Hebreos 11:3 - Totonac Coyutla

³ Ma̠squi xli̠­ca̠na pi̠ aquinín ni̠ ucxilh­ni̠­táhu acxni̠ caj xli̠t­li­hueke xta­chu­huí̠n Dios ca̠li̠­ma̠­la­ca­tzú­qui̠lh xli̠­hua̠k hua̠ntu̠ anán nac ca̠quilh­ta­macú, pero ca̠naj­la­yá̠hu pi̠ chuná tit­la­huani̠t. Pus xli̠­hua̠k hua̠ntu̠ la̠nchú ucxi­lhá̠hu Dios ca̠li̠­ma̠­la­ca­tzu­qui̠ni̠t hua̠ntu̠ ni̠ tasiyuy.

Hebreos 11:3 ပူးပေါင်းရင်းမြစ်များ

San Juan 1:3

Xlá hua̠k mak­tla­huani̠t la̠ta túcu anán, y ni̠tu̠ anán para xlá ni̠ mak­tla­huani̠t hua̠ntu̠ ma̠la­ca­tzu­qui̠ni̠t Dios.

Hechos 14:15

—¡Xli̠­hua̠k hui­xinín li̠huana̠ cakax­páttit! ¿Túcu xpa̠­la­cata hui­xinín qui­la̠­li̠­pu̠lh­ca̠­yá̠hu cumu la̠ Dios? Aquinín na̠ caj lac­chix­cu­huí̠n chuná cumu la̠ hui­xinín, y aquinín caj cmi­ni̠tán ca̠hua­niyá̠n xla­cata pi̠ calak­ma­kántit xli̠­hua̠k min­tas­ma­ni̠ncán hua̠ntu̠ tla­hua­yá̠tit porque ni̠tu̠ li̠ma­cuán, y caj xma̠nhuá cali̠­pa̠­huántit a̠má cha̠stum Dios hua̠nti̠ ca̠ma̠­la­ca­tzu­qui̠ni̠t akapú̠n, ca̠ti­yatni xa̠hua pupunú y xli̠­hua̠k hua̠ntu̠ anán uú nac ca̠quilh­ta­macú.

Hechos 17:24

’Xli̠­ca̠na pi̠ huá u̠má Dios hua̠nti̠ lanca xla­ca­tzúcut porque huá ca̠t­la­huani̠t ca̠quilh­ta­macú chu xli̠­hua̠k la̠ta túcu anán, huá xpu̠­chiná akapú̠n chu ca̠ti­yatni, xa̠huachí xlá ni̠ antá luu huí nac aktum pu̠si­culan hua̠ntu̠ caj tama­ca­ni̠t­la­huani̠t lac­chix­cu­huí̠n.

Romanos 4:17

Chuná cumu la̠ huan lacatum nac xta­chu­huí̠n Dios hua̠ntu̠ tatzok­ta­hui­lani̠t: “Aquit cli̠­ma̠x­tuyá̠n pi̠ huix xtla̠tcán pu̠lac­lhu̠hua cris­tianos xala ca̠quilh­ta­macú.” Xli̠­ca̠na pi̠ huá Abraham quin­tla̠tcán hua̠nti̠ caj xma̠nhuá namaca­sta̠­la­yá̠hu porque xlá li̠pá̠hua Dios hua̠nti̠ tla̠n ca̠ma̠­laca­stac­uani̠y ni̠n, y lhu̠hua catu̠huá tla̠n ca̠ma̠­la­ca­tzu­qui̠y ma̠squi ni̠tu̠ anán.

1 Corintios 2:7

Huata huá aquit cli̠­chu­hui̠nán xta­la­ca­pa̠s­tacni Dios huá eé tala­ca­pa̠s­tacni hua̠ntu̠ tze̠k xuí hasta la̠ta tima̠­la­ca­tzú­qui̠lh ca̠quilh­ta­macú la̠qui̠ la̠ ca̠lacchú quilh­ta­macú aquinín naquin­ca̠­lak­ma̠x­tu­niyá̠n qui­li̠s­tac­nicán.

1 Timoteo 4:5

Porque huá xta­chu­huí̠n Dios hua̠ntu̠ aquinín li̠kalh­ta­hua­ka­yá̠hu xa̠hua quiora­cioncán hua̠ntu̠ li̠quilh­cha̠­ni­yá̠hu Dios huá ca̠si­cu­la­na̠t­la­huay xli̠­hua̠k quin­ta­huajcán hua̠ntu̠ aquinín li̠hua̠­ya­ná̠hu.

Hebreos 1:2

Pero la̠ ca̠lacchú quilh­ta­macú xlá maca­mini̠t Xka­huasa la̠qui̠ naquin­ca̠­li̠­ma̠­kalh­chu­hui̠­ni̠yá̠n xta­la­ca­pa̠s­tacni, xlá mak­tla­huani̠t xli̠­hua̠k hua̠ntu̠ anán, xa̠huachí huá maca­ma̠x­qui̠­ko̠­cani̠t naca̠­ma̠­peksi̠y xli̠­hua̠k hua̠ntu̠ anán nac xli̠­ca̠­lanca ca̠quilh­ta­macú.

Hebreos 6:5

chuná cumu la̠ tita­li̠­pa̠­xúhua acxni̠ takáx­matli a̠má xta­lu­lóktat xta­chu­huí̠n Dios y cha̠­pa̠­xu­hua̠na̠ xtaucxilh­la­ca­cha̠­má̠­nalh a̠má li̠pa̠­xúhu latáma̠t hua̠ntu̠ Dios ma̠lacnu̠y naquin­ca̠­ma̠x­qui̠yá̠n.

2 San Pedro 3:5

Uma̠­kó̠lh lac­li̠xcáj­nit cris­tianos ni̠ taaka­ta̠k­sputún la̠ta milh mun­cá̠ctat pi̠ maká̠n quilh­ta­macú xla̠ta xuí akapú̠n y cumu hua̠k chú­chut xuí nac xok­spú̠n tíyat Dios huá pi̠ túnuj catáhui chú­chut la̠qui̠ nata­siyuy tíyat.

Apocalipsis 4:11

Xma̠n huix mini̠­niyá̠n nac­ca̠­ca̠c­ni̠­na­niyá̠n, nac­ca̠­la­ka­chix­cu­hui̠yá̠n y nac­ca̠­pa̠x­cat­ca­tzi̠­niyá̠n, porque kalhi̠ya lanca mili̠t­li­hueke y ca̠ma̠­la­ca­tzu­qui̠­ni̠ta xli̠­hua̠k hua̠ntu̠ anán; cumu huix chuná lacás­quinti ca̠ma̠­la­ca­tzuqui y hasta ca̠lacchú quilh­ta­macú chu­nacú taanán.