Efesios 5:28 - Totonac Coyutla

²⁸ Chuná cumu la̠ cha̠tum chixcú pa̠x­qui̠y y cuentaj tla­huay xmacni, pus na̠chuná xli̠­pá̠x­qui̠t y xli̠­cuentaj­tlá­huat xma̠­hui̠ná. Porque hua̠nti̠ xli̠­ca̠na pa̠x­qui̠y xma̠­hui̠ná qui̠­taxtuy pi̠ sacstu ma̠n pa̠x­qui̠­má̠­calh.

Efesios 5:28 ပူးပေါင်းရင်းမြစ်များ

San Mateo 19:5

Y na̠ chiné li̠ma̠­pek­sí̠­nalh: “Huá xpa̠­la­cata, cha̠tum kahuasa acxni̠ nata­maka­xtoka tla̠n akxtek­makán xtla̠t chu xtzí la̠qui̠ xlá nata̠­ta­lak­xtumi̠y xpusca̠t, y a̠má kahuasa chu tzuma̠t hua̠nti̠ xcha̠­tiycán xta­huani̠t chú luu cha̠­tumá nata­li̠­taxtuy.”

Efesios 5:25

Y hui­xinín lac­chix­cu­huí̠n capa̠x­quí̠tit mima̠­hui̠­nacán chuná cumu la̠ Cristo ca̠pa̠x­qui̠ni̠t xli̠­hua̠k hua̠nti̠ tali̠­pa̠­huán, y hasta maca­má̠s­ta̠lh xla­táma̠t caj xpa̠­la­ca­tacán.

Efesios 5:29

Porque ni̠para cha̠tum tícu lak­makán xmacni sinoque cuentaj tla­huay y li̠huana̠ mak­ta­kalha, chuná cumu la̠ Cristo quin­ca̠­mak­ta­ka­lhá̠n aquinín hua̠nti̠ li̠pa̠­hua­ná̠hu,

Efesios 5:31

Huá xpa̠­la­cata chiné li̠ta­tzok­ta­hui­lani̠t nac li̠kalh­ta­huaka: “Huá xpa̠­la­cata cha̠tum kahuasa li̠mak­xteka xtla̠t chu xtzí la̠qui̠ nata̠­ta­lak­xtumi̠y xpusca̠t, y ma̠squi xcha̠­tiycán xuani̠t cha̠­tumá tali̠­taxtuy.”

Efesios 5:33

Pero la̠ta cha̠­tunu cha̠­tunu hua̠nti̠ tamaka­xtok­ni̠­tátit capa̠x­quí̠tit mima̠­hui̠­nacán chuná cumu la̠ me̠c­stucán pa̠x­qui̠­yá̠tit y mak­ta­ka­lhá̠tit mimac­nicán, y na̠chuná xalac­pus­ca̠tní̠n cata­ka­lha­káx­matli hua̠ntu̠ ca̠li̠­ma̠­peksi̠y xta̠­ko̠­lucán.

1 San Pedro 3:7

Na̠ cca̠­hua­ni­pu­tuná̠n hui­xinín lac­chix­cu­huí̠n hua̠nti̠ makax­to­ká̠tit, pi̠ tla̠n caca̠­ca­tzi̠­nítit mim­pus­ca̠tcán, caca̠­ca̠c­ni̠­na­nítit chuná cumu la̠ xlacán ca̠mi­ni̠niy, ni̠ caj xla­cata cumu lac­pus­ca̠tní̠n a̠tzinú lac­sca­la­juán nac xla­ta­ma̠tcán, huata porque Dios na̠ ca̠ma̠x­qui̠ni̠t a̠ma̠ xasa̠sti latáma̠t hua̠ntu̠ caj xpa̠­la­cata cumu lanca xta­la­ka­lha­maní̠n ca̠ma̠x­qui̠­ni̠tán hui­xinín.