Apocalipsis 18:2 - Totonac Coyutla

² Y xli̠­hua̠k xliaka­pix­tli­hueke chiné xqui­lhuama: ¡Aya lak­tzán­ka̠lh! ¡Chú maktum tu̠ lak­tzán­ka̠lh a̠má lanca ca̠chi­quí̠n Babi­lonia! ¡Huata xma̠n li̠tax­tuni̠t xpu̠­ta­hui̠lhcán akska­hui­niní̠n, xpu̠­ta­tze̠k­nicán la̠tachá túcuya̠ lac­li̠xcáj­nit espí­ritus, xma̠­se­kecán spun lac­li̠xcáj­nit qui­tzis­tancán hua̠ntu̠ ni̠ liucxilh­putu!

Apocalipsis 18:2 ပူးပေါင်းရင်းမြစ်များ

Apocalipsis 1:15

Xtantú̠n li̠pe̠cua xlak­skoy cumu la̠ bronce hua̠ntu̠ li̠huana̠ xma̠s­ta­lan­qui̠­cani̠t y li̠la­káti̠t xca̠x­tla­hua­cani̠t; y xta­chu­huí̠n li̠pe̠cua xma­caacsa̠nán cumu la̠ xuástat aktum chú­chut, o lanca kalh­tu̠­choko.

Apocalipsis 10:3

Caj xamaktum xli̠­hua̠k xliaka­pix­cha̠­lanca ca̠tá­salh xta̠­chuná cumu la̠ tasay tantum lanca león; acxni̠ ca̠tá­salh ckáx­matli la̠ta pu̠lac­tujún jili takalh­ti̠­nanchá.

Apocalipsis 11:8

Xti­yat­li̠­huacán u̠ma̠ko̠lh xlac­scujni Dios antá íta̠t naca̠­ta­ra­mi̠cán nac xaca̠­ti­ji̠ní̠n a̠má lanca ca̠chi­quí̠n Jeru­salén anta­nícu ma̠pa̠­ti̠­ní̠­calh y mak­ní̠­calh nac cruz Quim­pu̠­chi­nacán. Pero u̠má ca̠chi­quí̠n na̠ tla̠n ca̠ta̠­ma̠­la­cas­tu­cá̠hu Sodoma xa̠hua Egipto.

Apocalipsis 14:15

Cuc­xilhpá pi̠ tax­tuchá nac xpu̠­si­culan Dios cha̠­tum­li̠túm ángel hua̠nti̠ xliaka­pix­tli­hueke chiné xqui­lha­nima a̠má hua̠nti̠ xuí nac xlacni puc­lhni: —Catu̠x­ca̠ni, cama̠s­cuju mili̠s­cujni, porque chú aya lak­cha̠ni̠t quilh­ta­macú la̠ta natzu­cuya chu­cuya xacatla tachaná̠n, aya lak­cha̠ni̠t la̠ta natzu­cu­yá̠hu xka̠­na­ná̠hu.

Apocalipsis 14:8

Aca­li̠stá̠n cuc­xilhpá pi̠ csta̠­la­ni­ti̠­lhay cha̠­tum­li̠túm ángel hua̠nti̠ chiné xqui­lhuama: —¡Aya lac­la­tá̠­yalh, xli̠­ca̠na pi̠ aya lak­tzan­ka̠­ta̠­ya­ko̠lh tamá lanca ca̠chi­quí̠n hua­nicán Babi­lonia, a̠má ca̠chi­quí̠n hua̠ntu̠ li̠táx­tulh cumu la̠ cha̠tum laka­huiti pusca̠t hua̠nti̠ ca̠li̠ak­ska­huí­mi̠lh cris­tianos xalac ca̠quilh­ta­macú pi̠ hua̠k chuná catat­lá­hualh li̠xcáj­nit tala̠­ka­lhí̠n chuná cumu la̠ antá tla­huacán hua̠ntu̠ ma̠lak­tzan­ke̠nán!

Apocalipsis 16:13

Aca­li̠stá̠n cúc­xilhli pi̠ nac xquilhni a̠má lanca tzu­tzoko lu̠hua hua̠ntu̠ hua­nicán dragón, xa̠hua nac xquilhni a̠má li̠xcáj­nit qui­tzis­tancán, chu nac xquilhni a̠má aksa­ni̠ná pro­feta tatax­tuchi pu̠lac­tutu lac­li̠xcáj­nit espí­ritu hua̠ntu̠ xta­ta­siyuy cumu la̠ chí­cheklh.

Apocalipsis 16:19

Amá lanca ca̠chi­quí̠n pu̠lac­tutu la̠ta tapí­tzilh, y lac­lanca ca̠chi­qui̠ní̠n hua̠ntu̠ tahui­lá̠­nalh nac xli̠­ca̠­lanca ca̠quilh­ta­macú talak­pon­ka­ko̠lh. Acxnicú laca­pá̠s­tacli Dios xta­la̠­ka­lhí̠n a̠má lanca ca̠chi­quí̠n hua­nicán Babi­lonia xla­cata naca̠­ma­ca­miniy tapa̠tí̠n hua̠ntu̠ xca̠­lak­chá̠n hua̠nti̠ antá xta­hui­lá̠­nalh caj xpa̠­la­cata pi̠ li̠pe̠cua xta­ma­ka­si̠­tzi̠ni̠t.

Apocalipsis 17:18

Amá pusca̠t hua̠nti̠ huix úcxilhti, huá li̠taxtuy a̠má lanca ca̠chi­quí̠n anta­nícu tata­peksi̠y xli̠­hua̠k lac­lanca napuxcún xalac ca̠quilh­ta­macú.

Apocalipsis 17:5

Y nac xmu̠xtí̠n xta­tzok­ta­hui­lani̠t pu̠lactum tachu­huí̠n hua̠ntu̠ pu̠lac­tiyu̠ xuamputún: “Babi­lonia, u̠má lanca pu̠la­tama̠n li̠taxtuy xtzicán xli̠­hua̠k a̠ma̠ko̠lh hua̠nti̠ tali̠­taxtuy cumu la̠ laka­huiti lac­pus­ca̠tní̠n, y xli̠­hua̠k hua̠ntu̠ li̠xcáj­nit anán nac ca̠quilh­ta­macú.”

Apocalipsis 18:10

Caj la̠ta xta­pe̠­cuacán ni̠para tzinú cati­ta­ma̠­la­ca­tzu­hui̠­pú­tulh, caj xma̠n mákat nata­ta̠­ya­ya̠chá y chiné nata­huán: ¡Koxutá huix lanca tali̠­pa̠hu ca̠chi­quí̠n Babi­lonia, xli̠­ca̠na pi̠ luu lhu̠hua hua̠ntu̠ xta­palh tumi̠n xka­lhi̠ya! Pero caj puntzú chilh lanca tapa̠tí̠n hua̠ntu̠ maktum ma̠lak­spu­tukó̠n.

Apocalipsis 18:21

Na̠ acxni­tiyá cúc­xilhli pi̠ cha̠tum tli­hue­kexní̠n ángel chex­tlá­hualh aktum lan­caxní̠n chí­huix xta̠­chuná cumu la̠ xachí­huix lanca molino, y lhkén máca̠lh nac pupunú, y chiné huá: Xta̠­chuná cumu la̠ lak­tzan­ka̠lh eé chí­huix na̠chuná pímpa̠t lak­tzan­ka̠ya huix lanca tali̠­pa̠hu ca̠chi­quí̠n Babi­lonia, y niaj ne̠c­xnicú catiucxilh­pa­rá­canti.

Apocalipsis 5:2

Caj xamaktum cúc­xilhli cha̠tum lanca tali̠­pa̠hu ángel hua̠nti̠ xli̠­pix­cha̠­lanca xka­lhas­qui­ni̠­nama: —¿Tícu cahuá namac­la­yá̠hu hua̠nti̠ mini̠niy nax­ti̠­tac­ti̠niy hua̠ntu̠ li̠sel­lar­tla­hua­cani̠t u̠má libro la̠qui̠ tla̠n nama̠­la­ka­pi­tziy?