Caj xamaktum ckáxmatli pi̠ chiné quihuanícalh: —Huix juerza nali̠chuhui̠namparaya hua̠ntu̠ Dios ca̠ma̠catzi̠ni̠putún pi̠ taamá̠nalh taokspulay cristianos xala ca̠quilhtamacú la̠tachá túcuya̠ laclanca pu̠latama̠n, xa̠hua ca̠chiqui̠ní̠n, xa̠hua ma̠peksi̠naní̠n, ma̠squi la̠tachá túcuya̠ xtachuhui̠ncán xlacán tali̠chuhui̠nán.
Apocalipsis 17:12 - Totonac Coyutla12 ’Amá kancá̠hu akalókot hua̠ntu̠ huix úcxilhti, huá tali̠taxtuy kalhacá̠hu reyes hua̠nti̠ nia̠ tatzucuy tama̠peksi̠nán nac ca̠quilhtamacú; pero caj xma̠n aktum hora cumu la̠ a̠má lanca li̠xcájnit quitzistancán natakalhi̠y li̠ma̠peksí̠n y natama̠peksi̠nán cumu la̠ reyes. အခန်းကိုကြည့်ပါ။ |
Apocalipsis 17:12
12 ပူးပေါင်းရင်းမြစ်များ
Acali̠stá̠n cucxilhpá pi̠ xtacutma̠chi nac pupunú tantum li̠pe̠cuánit quitzistancán, xkalhi̠y aktujún xakxa̠ka y kancá̠hu xakalókot. Nac kanatunu xakalókot xkalhi̠y aktum corona, y nac akatunu xakxa̠ka xtatzoktahuilani̠t lacli̠xcájnit tachuhuí̠n hua̠ntu̠ xli̠lacata̠qui̠má̠calh y cala̠huá xquilhcha̠nimá̠calh Dios.
Amá kanká̠hu akalókot hua̠ntu̠ úcxilhti nac xakxa̠ka li̠xcájnit quitzistancán taamá̠nalh tasi̠tzi̠makán a̠má lakahuiti pusca̠t caj la̠ta xtasi̠tzicán, natama̠lakxtuko̠y xli̠taca̠xta̠y y xalhtantala natamakxteka, acali̠stá̠n natatzucuy talacputxhuay xli̠hua, y hua̠ntu̠ ni̠ natahuako̠y natatzucuy talaclhcuyuhuili̠y.
Caj la̠ta xtape̠cuacán ni̠para tzinú catitama̠lacatzuhui̠pútulh, caj xma̠n mákat natata̠yaya̠chá y chiné natahuán: ¡Koxutá huix lanca tali̠pa̠hu ca̠chiquí̠n Babilonia, xli̠ca̠na pi̠ luu lhu̠hua hua̠ntu̠ xtapalh tumi̠n xkalhi̠ya! Pero caj puntzú chilh lanca tapa̠tí̠n hua̠ntu̠ maktum ma̠laksputukó̠n.
¡Pero caj lacapuntzú laktzanka̠ko̠ni̠t xli̠hua̠k hua̠ntu̠ xtapalh tumi̠n y hua̠ntu̠ lakli̠lakáti̠t xkalhi̠ya! Xli̠hua̠k capitanes hua̠nti̠ xca̠puxcuniy xma̠tla̠huani̠naní̠n barcos, xa̠hua hua̠nti̠ caj xtapaxia̠lhnamá̠nalh nac pupunú, na̠chuná hua̠nti̠ luu antá xtascujmá̠nalh, caj lakamákat taúcxilhli hua̠ntu̠ xakspulama a̠má lanca ca̠chiquí̠n,
Y la̠ta xtalakli̠puhuamá̠nalh tzúculh taactahuacay tíyat y xli̠pixtlihuekecán chiné xtahuán: ¡Pa̠xcat huanko̠lh u̠má lanca tali̠pa̠hu ca̠chiquí̠n! Porque caj huá xpa̠lacata ma̠squi luu lacrrico tatáxtulh xli̠hua̠k a̠ma̠ko̠lh xpu̠chinaní̠n barcos hua̠nti̠ tascujmá̠nalh nac pupunú. ¡Pero chú tamá ca̠chiquí̠n caj lacapuntzú laktzanka̠ko̠lh!
ကြော်ငြာတွေ