Apocalipsis 14:12 - Totonac Coyutla

¹² Huá xpa̠­la­cata xli̠­hua̠k hua̠nti̠ aktum taca­tzi̠y pi̠ xma̠n huá Dios nata­ta­pek­si̠niy y nata­ma̠­kan­taxti̠y xta­pu­huá̠n, xa̠hua aksti̠tum nata­li̠­pa̠­huán Jesús, xlacán tamac­la­cas­qui­má̠­nalh lanca li̠ca­mama xa̠hua li̠t­li­hueke.

Apocalipsis 14:12 ပူးပေါင်းရင်းမြစ်များ

2 Timoteo 4:7

Pero aquit juerza ctla­hua­nini̠t la̠qui̠ nac­ta̠­yaniy nac qui­la­táma̠t y nac­ma̠­kan­tax­ti̠ko̠y hua̠ntu̠ Dios qui­li̠­lac­sacni̠t, luu xta̠­chuná qui̠­taxtuy cumu la̠ aktum takamá̠n anta­nícu la̠t­la­jacán, pero aya lak­cha̠ni̠t quilh­ta­macú nac­chá̠n anta­nícu qui­li̠­chá̠nat xuani̠t, luu ca̠na cpa̠­xu­huay pi̠ ne̠c­xnicú luu ctat­la­ji̠ni̠t y ni̠tu̠ clac­la­ta̠­yama huata cma̠­kan­tax­ti̠ni̠t hua̠ntu̠ Dios qui­ma̠­cuentaj­li̠ni̠t.

1 San Juan 2:3

Para kalha­kax­ma­tá̠hu y ma̠kan­tax­ti̠­ma̠­náhu xli̠­ma̠­peksí̠n Dios, tla̠n talu­lo­ká̠hu pi̠ xli̠­ca̠na laka­pa­sá̠hu Dios.

Apocalipsis 12:17

Caj xpa̠­la­cata hua̠ntu̠ qui̠­táx­tulh a̠má lanca dragón li̠huaca si̠tzí̠­nilh a̠má pusca̠t, huata alh ca̠la­ca­ta̠­qui̠y xli̠­hua̠k hua̠nti̠ xli̠­ta­la­ka­pasni, xli̠­hua̠k a̠ma̠ko̠lh cris­tianos hua̠nti̠ taca̠c­ni̠­naniy y taka­lha­kax­mata xli̠­ma̠­peksí̠n Dios, y aksti̠tum tali̠­la­má̠­nalh a̠má xta­chu­huí̠n Dios hua̠ntu̠ tiqui̠­li̠­chu­hui̠­nanchi Jesu­cristo.

Apocalipsis 13:10

Hua̠nti̠ antiyá lak­chá̠n pi̠ naca̠­chi̠­le̠ncán, xli̠­ca̠na pi̠ naca̠­chi̠­le̠ncán; y hua̠nti̠ antiyá lak­chá̠n pi̠ naca̠­mak­ni̠cán, xli̠­ca̠na pi̠ naca̠­mak­ni̠cán. Pero hua̠nti̠ xli̠­ca̠na tata­pek­si̠niy Dios y tali̠­pa̠­huán, tala­cas­quín pi̠ nata­ka­lhi̠y li̠ca­mama ni̠tu̠ nata­ta­xlaj­uani̠y y chu­na­tiyá nata­li̠­pa̠­huán Quim­pu̠­chi­nacán.

Apocalipsis 2:13

Aquit cca­tzi̠y pi̠ antá lapá̠tit anta­nícu pux­cuhui y ma̠pek­si̠nán akska­huiní; pero hui­xinín chu­na­tiyá aksti̠tum qui­la̠­li̠­pa̠­hua­ná̠hu, ni̠para tzinú aka­tiyuj li̠látit min­ta­ca̠­naj­latcán o para niaj quin­ti­la̠­li̠­pa̠­huáhu a̠má quilh­ta­macú acxni̠ nac mila­ca­ti̠ncán mak­ní̠­calh Antipas hua̠nti̠ luu aksti̠tum xliakchu­hui̠nán quin­ta­chu­huí̠n; chuná tat­lá­hualh tama̠­ko̠lh cris­tianos hua̠nti̠ li̠xcáj­nit tali̠­ca­tzi̠y porque hua̠k huá taka­lha­kax­mat­má̠­nalh hua̠ntu̠ ca̠li̠­ma̠­pek­si̠ma akska­huiní, porque antá tzu­cuni̠t ma̠pek­si̠nán nac min­ca̠­chi­qui̠ncán.

Apocalipsis 3:10

Hui­xinín ma̠kan­tax­ti̠­ni̠­tátit qui­li̠­ma̠­peksí̠n xla­cata pi̠ ne̠c­xnicú mak­xtek­ta̠­yátit quin­ta­scújut, huá xpa̠­la­cata cca̠­li̠­ma̠­ca­tzi̠­ni̠yá̠n pi̠ aquit nac­ca̠­mak­ta­ka­lhá̠n acxni̠ nalak­chá̠n quilh­ta­macú acxni̠ xli̠­hua̠k cris­tianos xalac ca̠quilh­ta­macú lhu̠hua hua̠ntu̠ naca̠­lak­chí̠n tasa­ka̠lí̠n.

Apocalipsis 3:8

Aquit cuili̠ni̠t nac min­ti­jicán aktum má̠lacchi hua̠ntu̠ cma̠­la­qui̠ni̠t la̠qui̠ antá nalac­ta­nu̠­yá̠tit, y ni̠para cha̠tum tícu cati­ma̠­lac­chú­hualh. Ma̠squi xli̠­ca̠na pi̠ nac mila­ta­ma̠tcán ni̠ kalhi̠­yá̠tit li̠t­li­hueke, ni̠para tzinú ta­xlaj­uani̠­ni̠­tátit huata chu­na­tiyá li̠pa̠­hua­ni̠­tátit quin­ta­chu­huí̠n y ne̠c­xnicú qui­la̠­li̠­ma̠­xa­na­ni̠­táhu.