2 Corintios 4:16 - Totonac Coyutla

¹⁶ Huá xpa̠­la­cata aquinín ni̠ cli̠­ta­xlaj­uani̠­yá̠hu ma̠squi túcu quin­ca̠ak­spu­layá̠n, porque ma̠squi ko̠luma qui­mac­nicán, huá qui­li̠s­tac­nicán xcha̠­liyá̠n ska­tama y tiyama li̠t­li­hueke.

2 Corintios 4:16 ပူးပေါင်းရင်းမြစ်များ

San Lucas 11:3

Caqui­la̠­ma̠x­quí̠hu quin­ta­huajcán hua̠ntu̠ nac­li̠­la­ta­ma̠­yá̠hu cha̠li cha̠lí.

Romanos 12:2

Hui­xinín niaj chuná cala­ta­pá̠tit cumu la̠ tala­má̠­nalh a̠ma̠ko̠lh cati̠hua̠ cris­tianos xala ca̠quilh­ta­macú hua̠nti̠ ni̠ tali̠­pa̠­huán; mejor calak­pa­lí̠tit min­ta­la­ca­pa̠s­tac­nicán hua̠ntu̠ xapu̠lh xli̠­la­pá̠tit la̠qui̠ na̠ nalak­pa­li̠­yá̠tit mila­ta­ma̠tcán, la̠qui̠ naaka­ta̠k­sá̠tit hua̠ntu̠ Dios kalhi̠y xta­la­ca­pa̠s­tacni, huá la̠ta túcu xlá lakati̠y nama̠­kan­tax­ti̠­yá̠tit nac mila­ta­ma̠tcán y hua̠ntu̠ aksti̠tum.

Romanos 7:22

Aquit la̠ta nac qui­nacú luu xli̠­ca̠na cla­kati̠y hua̠ntu̠ huan xli̠­ma̠­peksí̠n Dios,

1 Corintios 15:58

Nata̠lán, aquit luu snu̠n cca̠­pa̠x­qui̠yá̠n, huá xpa̠­la­cata cca̠­li̠­hua­niyá̠n pi̠ tli­hueklh cahui­lí̠tit min­ta­ca̠­naj­latcán y ni̠ cata­xlaj­uaní̠tit, huata a̠tzinú ma̠s aksti̠tum cali̠s­cújtit la̠qui̠ nali̠­pa̠­huancán Jesús, porque hui­xinín sta­lanca catzi̠­yá̠tit pi̠ xli̠­hua̠k hua̠ntu̠ tla­hua­pá̠tit ni̠ caj chu­natá ámaj lac­la­tama̠y min­tat­la­kuacán xlá catzi̠y lácu naca̠­ma̠s­ka­hui̠yá̠n.

2 Corintios 12:15

Y caj la̠ta cpa̠­xu­huay cca̠­li̠s­cujá̠n tla̠n nac­ca̠­li̠­ma̠­kalh­chu­hui̠­ni̠yá̠n xta­chu­huí̠n Dios hasta la̠ta nícu nac­qui̠­ta̠yay la̠qui̠ hui­xinín li̠huana̠ naaka­ta̠k­sá̠tit lácu tla̠n nalak­ma̠x­tu­yá̠tit mili̠s­tac­nicán; ma̠squi tancs tasiyuy pi̠ acxni̠ a̠tzinú aquit cca̠­pa̠x­qui̠yá̠n hui­xinín caj qui­la̠­si̠­tzi̠­ni­yá̠hu y qui­la̠­lak­ma­ka­ná̠hu.

2 Corintios 4:1

Huá xpa̠­la­cata ni̠ cli̠­ta­xlaj­uani̠­yá̠hu ma̠squi túcu quin­ca̠­lak­chiná̠n hua̠ntu̠ ni̠tlá̠n, porque sta­lanca cca­tzi̠­yá̠hu pi̠ huá Dios quin­ca̠­ma­ca­ma̠x­qui̠­ni̠tán eé ta­scújut.

Efesios 3:16

Aquit ckalh­ta­hua­kaniy y cli̠­ma̠aka­tzanke̠y pi̠ la̠ta mini̠niy lanca xta­la­ka­lha­maní̠n caca̠­ma̠x­quí̠n xli̠t­li­hueke Espíri­tu Santo nac mila­ta­ma̠tcán hua̠nti̠ tla̠n nali̠­tu̠x­ca̠­ni̠­yá̠tit.

Efesios 4:23

La̠nchú aktumá caca­tzí̠tit calak­pa­lí̠tit min­ta­la­ca­pa̠s­tac­nicán xa̠hua mila­ta­ma̠tcán,

Colosenses 3:10

y la̠nchú aya calak­tzak­sátit huá la̠ta aksti̠tum nala­ta­pa̠­yá̠tit porque li̠tax­tu­yá̠tit la̠ xasa̠sti cris­tianos, y cha̠­liyá̠n sa̠s­tim­pá̠tit hasta la̠ta lácu li̠huana̠ nala­ka­pa­sá̠tit Dios hua̠nti̠ quin­ca̠­ma̠­la­ca­tzu­qui̠­ni̠tán.

Tito 3:5

hasta xli̠­ca̠na quin­ca̠­lak­ma̠xtún, ni̠ xla­cata para túcuya̠ tla̠n ta­scújut tla­huáhu huá chuná quin­ca̠­li̠­la­ka­lhamán, huata huá chuná li̠t­lá­hualh porque ma̠n quin­ca̠­pa̠x­qui̠­ni̠tán. Y acxni̠ quin­ca̠­che­ke̠­makanín xli̠­hua̠k hua̠ntu̠ ni̠tlá̠n xtit­la­hua­ni̠­táhu sta­lanca li̠táx­tulh cumu lá̠m­para laca­chim­pa­ráhu a̠maktum, y Espíri­tu Santo quin­ca̠­ma̠x­quí̠n a̠má xasa̠sti qui­la­ta­ma̠tcán hua̠ntu̠ la̠nchú kalhi̠­yá̠hu.

1 San Pedro 3:4

Hui­xinín ni̠chuná cat­la­huátit, huata nac mila­ta­ma̠tcán cama̠­si­yútit hua̠ntu̠ tla̠n y aksti̠tum xala­cuán ta­scújut hua̠ntú li̠ca̠x­ya̠­hua­yá̠tit mina­cujcán, porque xli̠­ca̠na pi̠ hua̠ntú xatlá̠n min­ta­la­ca­pa̠s­tac­nicán kalhi̠­yá̠tit huá a̠tzinú lanca xta­palh nac xla­catí̠n Dios.

1 San Pedro 4:14

Luu ca̠na li̠pa̠­xúhu cali̠­maklh­ca­tzí̠tit para caj xpa̠­la­cata Cristo naca̠­liak­tla­ka­xa­kat­li̠­ca­ná̠tit, porque chuná tancs talu­lokma pi̠ xEspíritu Dios anka­lhi̠ná ca̠ta̠­lamá̠n nac mila­ta­ma̠tcán.