2 Corintios 13:7 - Totonac Coyutla

⁷ Huá xpa̠­la­cata aquinín anka­lhi̠ná ckalh­ta­hua­ka­ni­yá̠hu Dios la̠qui̠ hui­xinín niaj tu̠ nat­la­hua­yá̠tit tala̠­ka­lhí̠n; u̠má quin­ta­kalh­ta­hua­kacán hua̠ntu̠ ctla­hua­yá̠hu ni̠ caj xpa̠­la­cata para nali̠­ta­siyuy pi̠ tla̠n ctla­hua­ni̠­táhu quin­tas­cu­jutcán nac milak­sti̠­pa̠ncán, sinoque la̠qui̠ xli̠­ca̠na hui­xinín aksti̠tum nala­ta­pa̠­yá̠tit. Porque xma̠nhuá cla­cas­qui­ná̠hu pi̠ aksti̠tum nala­ta­pa̠­yá̠tit ni̠ quin­cuentajcán hua̠ntu̠ nali̠­chu­hui̠­nancán xpa̠­la­cata quin­tas­cu­jutcán.

2 Corintios 13:7 ပူးပေါင်းရင်းမြစ်များ

San Mateo 6:13

Ni̠ caqui­la̠­mak­xtekui xla­cata naquin­ca̠­tzak­sayá̠n akska­huiní, huata mejor caqui­la̠­ma̠­ta­pa̠­nu̠­níhu xli̠­hua̠k hua̠ntu̠ xquin­ca̠­ma̠t­la­huí̠n tala̠­ka­lhí̠n. Porque hua̠k milá lanca li̠ma̠­peksí̠n, xa̠huá xli̠­hua̠k li̠t­li­hueke, na̠ chuná hua̠ntu̠ xli̠­lanca mili̠­cá̠cni̠t xli̠anka­lhi̠ná quilh­ta­macú cane̠c­xni­cahuá.

San Juan 17:15

Aquit ni̠ cuanimá̠n para caca̠­ta­macxtu uu̠ nac ca̠quilh­ta­macú, huata caj xma̠n cla­cas­quín caca̠­mak­tá­kalhti y caca̠­mak­ta̠ya la̠qui̠ ni̠ naca̠­maka­tlajay akska­huiní y ni̠ naca̠­ma̠t­la­hui̠y tala̠­ka­lhí̠n.

Romanos 1:28

Cumu xlacán ni̠tu̠ taliúcxilhli Dios huata caj talak­má­kalh pus Dios na̠chuná ca̠pá̠x­tekli la̠qui̠ pi̠ cata­ma̠­kan­tax­ti̠­ke̠lh a̠má xali̠xcáj­nit latáma̠t hua̠ntu̠ xlacán tat­la­hua­má̠­nalh y hua̠ntu̠ ni̠ xli̠t­la­huatcán.

Romanos 12:17

Para tícu naca̠t­la­hua­niyá̠n hua̠ntu̠ ni̠tlá̠n ni̠chuná hui­xinín cali̠­ma­ka­xo­kótit, huata aksti̠túm cala­ta­pá̠tit y calak­tzak­sátit nama̠­kan­tax­ti̠­yá̠tit hua̠ntu̠ lacuán ta­scújut nac xla­catí̠n cris­tianos.

Romanos 13:13

Xli̠­ca̠na cca̠­hua­niyá̠n pi̠ aksti̠tum cala­ta­má̠hu y tancs cas­cujui chuná cumu la̠ ti̠ tas­cuja nac ca̠cu­huiní, y ni̠ cat­la­huáhu hua̠ntu̠ li̠xcáj­nit, ni̠ caakkot­ta­má̠hu, ni̠ caj xma̠nhuá cali̠­pa̠­xu­huátit mim­pa̠x­cuajcán hua̠ntu̠ tla­hua­yá̠tit cumu la̠ tat­la­huay hua̠nti̠ talak­tzan­ka̠­ta̠­yani̠t, na̠ ni̠para caca̠­ka­lhi̠­pútu a̠túnuj lac­chaján para huí mim­pusca̠t, ni̠ cala̠­ta̠­ra̠t­la­huátit, na̠ ni̠para calak­ca­tza­la­ca­pítit hua̠ntu̠ taka­lhi̠y a̠túnuj cris­tianos.

Romanos 16:10

Na̠ li̠pa̠­xúhu caqui­la̠­xa­kat­li̠­ni­chá̠hu Apeles, u̠má cris­tiano luu aya lhu̠hua hua̠ntu̠ li̠pa̠­ti̠ni̠t caj xpa̠­la­cata pi̠ li̠pa̠­huán Cristo; na̠chuná caqui­la̠­xa­kat­li̠­ni­chá̠hu xli̠­hua̠k xalac xchic Aris­tó­bulo.

1 Corintios 11:19

porque cca̠­la­ka­pasá̠n lácu min­ka­satcán y ma̠x huá tam­pu̠tiy li̠tax­tu­pu­tu­ná̠tit la̠qui̠ la̠ta la̠n naaklhu̠­hua̠t­na­ná̠tit chuná tla̠n nata­siyuy xatícu luu xli̠­ca̠na tala­ka­pasa xta­lu­lóktat Dios y luu xli̠­ca̠na tali̠­pa̠­huán.

2 Corintios 10:10

Lhu̠hua hua̠nti̠ tahuán pi̠ acxni̠ cca̠­tzok­niyá̠n mactum carta lhu̠hua quin­ta­chu­huí̠n hua̠ntu̠ caj cca̠­li̠­la­ca­quilh­ni̠yá̠n y cca̠­li̠­ma­ke̠k­lhayá̠n; pero mat acxni̠ chú cuilachá nac milak­sti̠­pa̠ncán ni̠ lhu̠hua quin­ta­chu­huí̠n, xa̠huachí mat ni̠ tli­hueke cuili̠y qui­li̠­ma̠­peksí̠n caj lá̠m­para mat cca̠­quilh­pe̠­cuaniyá̠n.

2 Corintios 10:18

Pero ni̠ calac­pu­huántit para a̠má chixcú hua̠nti̠ caj li̠la­ca­ta̠­qui̠nán hua̠ntu̠ lac­pu­huán pi̠ huá tla­huani̠t ámaj li̠ta̠­yaniy; sinoque huá nata̠­yaniy a̠má chixcú hua̠nti̠ Dios nala­ka­ti̠niy xta­scújut hua̠ntu̠ tlá­hualh.

2 Corintios 13:6

Pero aquit clac­pu­huán pi̠ hui­xinín sta­lanca ucxilh­pá̠tit pi̠ aquinín hua̠nti̠ cliakchu­hui̠­na­ma̠­náhu xta­chu­huí̠n Jesús cta­lu­lo­ká̠hu pi̠ xli̠­ca̠na Cristo lama nac qui­la­ta­ma̠tcán.

2 Corintios 13:8

Y ma̠squi ni̠tlá̠n caquin­ca̠­li̠­chu­hui̠­nancán pero anka­lhi̠ná huá cla­cas­qui­ná̠hu cata̠­yá­nilh hua̠ntu̠ xta­lu­lóktat y ni̠ hua̠ntu̠ caj taaksaní̠n.

2 Corintios 13:9

Huá xpa̠­la­cata aquinín cli̠­pa̠­xu­hua­yá̠hu ma̠squi caquin­ca̠­hua­nicán pi̠ ni̠tu̠ quin­ka­satcán, la̠qui̠ hui­xinín xli̠­ca̠na lak­ska­lalán nali̠­tax­tu­yá̠tit y anka­lhi̠ná nac­kalh­ta­hua­ka­ni­yá̠hu Dios caj mim­pa̠­la­ca­tacán la̠qui̠ li̠huana̠ naaka­ta̠k­sko̠­yá̠tit xta­la­ca­pa̠s­tacni.

2 Corintios 6:4

Huata luu anka­lhi̠ná cma̠­si­yu­ma̠­náhu pi̠ xli̠­ca̠na huá clac­scuj­ni­ma̠­náhu Dios, porque cpa̠x­cat­le̠­ná̠hu ma̠squi ni̠tu̠ tu̠ cmac­la­cas­qui­ma̠­náhu, ma̠squi quin­ca̠­lak­chiná̠n taaklhú̠­hui̠t, y hasta ma̠squi lhu̠hua hua̠ntu̠ quin­ca̠­li̠­ma̠­pa̠­ti̠­ni̠­caná̠n.

2 Corintios 8:21

Huá xpa̠­la­cata aquinín anka­lhi̠ná clak­tzak­sa­yá̠hu ctla­hua­yá̠hu hua̠ntu̠ tla̠n ta­scújut, chuná nac xla­catí̠n Dios xa̠hua nac xla­ca­ti̠ncán cris­tianos.

Filipenses 4:8

Ahuata tu̠ cca̠­hua­niyá̠n nata̠lán, pi̠ huá cala­ca­pa̠s­táctit hua̠ntu̠ xta­lu­lóktat, hua̠ntu̠ naca̠­li̠­ma­cuaniyá̠n, hua̠ntu̠ mini̠niy nama̠x­qui̠cán cá̠cni̠t, huá la̠ta aksti̠tum nala­ta­pa̠­yá̠tit, la̠ta tla̠n naca­tzi̠­yá̠tit, xli̠­hua̠k hua̠ntu̠ tla̠n tasiyuy. Anka­lhi̠ná cala­ca­pa̠s­táctit hua̠ntu̠ aksti̠tum la̠qui̠ chuná tla̠n nali̠­ma̠­si­yu­yá̠tit nac mila­ta­ma̠tcán a̠ma̠ko̠lh lacuán ta­scújut hua̠ntu̠ xli̠­hua̠k cris­tianos nata­ma̠t­la̠nti̠y.

1 Tesalonicenses 5:23

Aquit cli̠­ma̠aka­tzanke̠y Dios hua̠nti̠ ma̠sta̠y li̠pa̠­xúhu latáma̠t xla­cata pi̠ huá caca̠­ma̠k­sti̠­tu­mi̠­li̠nín mila­ta­ma̠tcán cumu la̠ csi­cu­laná̠n; xa̠huachí caca̠­mak­ta­kalhnín min­ta­la­ca­pa̠s­tac­nicán, ni̠tu̠ nama̠x­ca­jua̠li̠y mili̠s­tac­nicán xa̠hua mimac­nicán la̠qui̠ chu­na­tiyá ni̠tu̠ kalhi̠y xta­la̠­ka­lhí̠n nahuán hasta acxni̠ namín Quim­pu̠­chi­nacán Jesu­cristo.

1 Timoteo 2:2

Xla­ca­squinca pi̠ nakalh­ta­hua­ka­ni­yá̠hu Dios xpa̠­la­ca­tacán gober­na­dores y xli̠­hua̠k ma̠pek­si̠­naní̠n la̠qui̠ hua̠ntu̠ aksti̠tum cata­huí­li̠lh xli̠­ma̠­pek­si̠ncán la̠qui̠ aka­tzi­yanca nala­ta­ma̠­yá̠hu nac quin­ca̠­chi­qui̠ncán y hua̠ntu̠ li̠pa̠­xúhu nala­ka­chix­cu­hui̠­yá̠hu Dios y ni̠ti̠ caquin­ti­ca̠­li̠­huanín para ni̠tlá̠n hua̠ntu̠ tla­hua­ma̠­náhu.

2 Timoteo 2:15

Huix juerza cat­la­huani li̠huana̠ nama̠­kan­tax­ti̠ya min­ta­scújut hua̠ntu̠ Dios li̠lac­sac­ni̠tán la̠qui̠ chuná nali̠­tax­tuya cha̠tum tla̠n xta­sa̠cua hua̠nti̠ aksti̠tum lama y ni̠tu̠ cati­li̠­ma̠­ma̠­xa­ní̠­canti porque tancs ma̠si­yúpa̠t a̠má xata­lu­lóktat xta­chu­huí̠n Dios hua̠ntu̠ ma̠sta̠y lak­táxtut.

2 Timoteo 4:18

y chu­na­tiyá qui­mak­ta­kalhma nahuán la̠qui̠ tla̠n nac­chá̠n nac akapú̠n y naqui­ma̠x­qui̠y a̠má tapa̠­xu­huá̠n hua̠ntu̠ xlá ma̠lacnu̠y. ¡Caj xma̠n sacstu mini̠niy nama̠x­qui̠cán cá̠cni̠t cane̠c­xni­cahuá quilh­ta­macú! Chuná calalh, amén.

Santiago 1:12

Luu ca̠na li̠pa̠­xúhu a̠má cris­tiano hua̠nti̠ ta̠yaniy y pa̠ti̠y la̠tachá túcuya̠ tatzaksá̠n, porque acxni̠ nati̠­tax­tuko̠y xta­pa̠tí̠n xli̠­ca̠na pi̠ ámaj mak­lhti̠nán a̠má li̠pa̠­xúhu latáma̠t hua̠ntu̠ ne̠c­xnicú lak­sputa, xta̠­chuná cumu la̠ aktum corona nata̠i̠cán hua̠ntu̠ Dios tica̠­ma̠­lac­nú̠­nilh naca̠­ma̠x­qui̠y xli̠­hua̠k a̠ma̠ko̠lh cris­tianos hua̠nti̠ xli̠­ca̠na tapa̠x­qui̠y y tali̠­pa̠­huán.

1 San Pedro 2:12

Hui­xinín aksti̠tum cala­ta­pá̠tit nac xlak­sti̠­pa̠ncán hua̠nti̠ ni̠ tala­ka­pasa Dios y ni̠ tali̠­pa̠­huán, ma̠squi xlacán la̠nchú cala̠huá ca̠li̠­kalh­chu­hui̠­naná̠n cumu lá̠m­para lac­li̠xcáj­nit cris­tianos hui­xinín, pero caj la̠ta nataucxilha a̠má lacuán min­ta­scu­jutcán hua̠ntu̠ tit­la­hua­ni̠­tátit, nahuán acxni̠ nalak­chá̠n quilh­ta­macú la̠ta Dios naca̠­ma̠­ka­lha­pali̠y cris­tianos xpa̠­la­cata xta­la̠­ka­lhi̠ncán, xlacán juerza nata­li̠­la­ka­chix­cu­hui̠y Dios xpa̠­la­cata a̠má xta­scújut hua̠ntu̠ tit­la­huani̠t nac mila­ta­ma̠tcán.