1 Timoteo 5:7 - Totonac Coyutla

⁷ Xli̠­hua̠k u̠má hua̠ntu̠ cuanimá̠n chuná caca̠­li̠­ma̠­peksi cata­ma̠­kan­táx­ti̠lh la̠qui̠ ni̠ti̠ naca̠­li̠­huaniy para túcu ni̠ tama̠­kan­tax­ti̠ni̠t aca­li̠stá̠n.

1 Timoteo 5:7 ပူးပေါင်းရင်းမြစ်များ

Filipenses 2:15

la̠qui̠ ni̠ti̠ nahuán para chu­na­tiyá tit­la­hua­pá̠tit hua̠ntu̠ ni̠tlá̠n o ni̠ti̠ naca̠­liaksaná̠n. Aksti̠tum cala­ta­pá̠tit chuná cumu la̠ lacas­quín Dios nata­la­tama̠y xca­maná̠n nac xlak­sti̠­pa̠ncán u̠ma̠ko̠lh lac­li̠xcáj­nit cris­tianos hua̠nti̠ tala­má̠­nalh nac ca̠quilh­ta­macú. Camaca­xka­ke̠­nántit nac xlak­sti̠­pa̠ncán cumu lá a̠má stacu hua̠ntu̠ macax­ka­ke̠nán nac u̠má xaca̠­pucsua ca̠quilh­ta­macú,

1 Timoteo 1:3

Huix catzi̠ya lácu cli̠­ma̠­kalh­chu­hui̠ní̠n acxni̠ calh nac xapu̠­la­tama̠n Mace­donia, cuanín: “Antá cata­mák­xtekti nac xaca̠­chi­quí̠n Efeso y caca̠­li̠­ma̠­peksi tama̠­ko̠lh maka­pi­tzí̠n lac­chix­cu­huí̠n pi̠ niaj cata­li̠­ma̠­kalh­chu­huí̠­ni̠lh cris­tianos hua̠ntu̠ caj xta­la­ca­pa̠s­tac­nicán lac­chix­cu­huí̠n y ni̠ huá xta­lu­lóktat Dios.

1 Timoteo 4:11

Huá u̠má tas­tac­ya̠hu hua̠ntu̠ la̠nchú cuanimá̠n, huá luu mili̠­ma̠­síyut y caca̠­li̠­ma̠­peksi cris­tianos xla­cata pi̠ chuná tancs cata­ma̠­kan­táx­ti̠lh.

1 Timoteo 6:17

Ama̠­ko̠lh cris­tianos hua̠nti̠ taka­lhi̠y lhu̠hua tumi̠n y ca̠aka­ta̠x­tuniy hua̠ntu̠ tamac­la­cas­quín uú nac ca̠quilh­ta­macú, caca̠­li̠­ma̠­peksi pi̠ ni̠ cata­li̠­la­ca­ta̠­quí̠­nalh na̠ ni̠para cata­li̠­pá̠­hualh xtu­mi̠ncán para tla̠n naca̠­lak­ma̠xtuy, porque tumi̠n ni̠lay caquin­ti­ca̠­mak­ta̠yán porque na̠chuná lak­sputa. Huata xma̠n huá caca̠­ma̠­si­yuni lácu luu nata­li̠­pa̠­huán Dios hua̠nti̠ quin­ca̠­ma̠x­qui̠yá̠n xli̠­hua̠k hua̠ntu̠ mac­la­cas­qui­ná̠hu la̠qui̠ anka­lhi̠ná nali̠­pa̠­xu­hua­yá̠hu.

2 Timoteo 4:1

Nac xla­catí̠n Dios xa̠hua nac xla­catí̠n Cristo Jesús hua̠nti̠ namim­paray cumu la̠ cha̠tum rey la̠qui̠ naca̠­ma̠­ka­lha­pali̠y naca̠­ta̠t­la­huay cuenta xli̠­hua̠k hua̠nti̠ tala­má̠­nalh xas­tacná chuná cumu la̠ ti̠ aya tani̠ni̠t, aquit cli̠­ma̠­pek­si̠yá̠n

Tito 1:13

Luu xli̠­ca̠na hua̠ntu̠ tili̠­chu­huí̠­nalh tamá pro­feta porque luu talani̠t, pero huix ni̠ caca̠­li̠­quilh­pú­huanti huata caca̠­la­ca­quilhni acxni̠ para túcu taliaktzan­ka̠­ta̠­ya­putún la̠qui̠ xma̠n huá aksti̠tum nata­li̠­la­tama̠y xatlá̠n xta­ca̠­naj­latcán,

Tito 2:15

Huá u̠má li̠ma̠­peksí̠n hua̠ntu̠ huix aksti̠tum mili̠­ma̠­síyut tancs caca̠­ma̠­kalh­chu­hui̠ni cris­tianos acxni̠ ca̠ma̠akpu­huan­ti­ya­ni̠ya, pero na̠ caca̠­la­ca­quilhni a̠ma̠ko̠lh hua̠nti̠ talac­la­ta̠­ya­putún, pero anka­lhi̠ná cakalh­chu­huí̠­nanti cumu la̠ ti̠ xli̠­ca̠na kalhi̠y xli̠­ma̠­peksí̠n. Ni̠ cama̠sta tala­cas­quín para tícu nalak­makaná̠n y ni̠tu̠ naliucxi­lhá̠n.