1 San Juan 5:12 - Totonac Coyutla

¹² Xli̠­hua̠k hua̠nti̠ lac­xtum tata̠­la­má̠­nalh nac xla­ta­ma̠tcán Quim­pu̠­chi­nacán Jesús hua̠nti̠ Xka­huasa Dios, entonces na̠ kalhi̠y a̠má li̠pa̠­xúhu latáma̠t; pero hua̠nti̠ ni̠ ta̠lama nac xla­táma̠t Xka­huasa Dios pus na̠ ni̠para huá kalhi̠y latáma̠t hua̠ntu̠ ne̠c­xnicú lak­sputa.

1 San Juan 5:12 ပူးပေါင်းရင်းမြစ်များ

San Marcos 16:16

Hua̠nti̠ naquin­ta­li̠­pa̠­huán y nata­taakmunuy nata­lak­ma̠xtuy xli̠s­tac­nicán, pero hua̠nti̠ ni̠ naqui­li̠­pa̠­huán pus ámaj ma̠lak­tzanke̠y xli̠s­tacni nac xla­catí̠n Dios acxni̠ naca̠­ma̠­xo­ko̠­ni̠cán hua̠ntu̠ tatit­la­huani̠t.

San Juan 1:12

Pero maka­pi­tzí̠n cris­tianos hua̠nti̠ tali̠­pá̠­hualh xta­chu­huí̠n y ca̠qui̠­tax­tú­nilh cumu lá̠m­para tala­ca­chimpá a̠maktum y xca­maná̠n Dios ca̠li̠­má̠x­tulh.

San Juan 3:15

la̠qui̠ xli̠­pacs hua̠nti̠ naqui­li̠­pa̠­huán ni̠ cati­lak­tzán­ka̠lh huata luu tla̠n naquin­ta̠­la­tama̠y cane̠c­xni­cahuá quilh­ta­macú.

San Juan 3:36

Hua̠nti̠ li̠pa̠­huán Xka­huasa Dios mak­lhti̠nán a̠má li̠pa̠­xúhu latáma̠t hua̠ntu̠ anka­lhi̠ná cahuá naka­lhi̠y, pero hua̠nti̠ ni̠ kalha­kax­mat­putún xla­cata nali̠­pa̠­huán, xlá ne̠cxni cati­ká­lhi̠lh a̠má latáma̠t sinoque fuerza ámaj pa̠ti̠y a̠má li̠pe̠­cuánit tapa̠tí̠n chuná la̠ Dios lac­lhca̠­hui­li̠ni̠t.

San Juan 5:24

’Xli̠­ca̠na cca̠­hua­niyá̠n pi̠ hua̠nti̠ quin­kax­matniy hua̠ntu̠ cliakchu­hui̠­nama y na̠chuna li̠túm chú li̠pa̠­huán hua̠nti̠ qui­ma̠­la­ka­cha̠ni̠t, xlá mak­lhti̠nán latáma̠t xasa̠sti hua̠ntu̠ anka­lhi̠ná cahuá naka­lhi̠y, y niaj ne̠cxni cati­ma̠­pa̠­ti̠­ni̠ca xpa̠­la­cata xta­la̠­ka­lhí̠n, pus xlá ti̠tax­tuni̠t nac xatiji ca̠li̠ní̠n y aya tzu­cuni̠t chú lac­tla̠­huán nac xatiji latáma̠t.

1 Corintios 1:30

Pero caj la̠ta Dios quin­ca̠­la­ka­lha­maná̠n xlá quin­ca̠­ta̠­ma̠­la­cas­tucni Cristo Jesús, y na̠ luu chuná lacas­quín pi̠ caj xpa̠­la­cata Cristo nala­ka­pa­sá̠hu xli̠­hua̠k xta­la­ca­pa̠s­tacni y aksti̠tum nala­ta­ma̠­yá̠hu cumu la̠ xli̠­ca̠na̠ xca­maná̠n, xa̠huachí niaj caquin­ti­ca̠­ma̠­xo­ko̠ní̠n xli̠­hua̠k hua̠ntu̠ xtit­la­hua­ni̠­táhu quin­ta­la̠­ka­lhi̠ncán porque xli̠­ca̠na pi̠ aya quin­ca̠­lak­ma̠x­tu­ni̠tán.

Gálatas 2:20

y la̠nchú ma̠squi clama niaj cli̠­lama cumu la̠ ti̠ tapek­si̠niy xla­táma̠t, huata huá tapek­si̠niy Cristo hua̠nti̠ lama nac qui­nacú; y a̠má aksti̠tum qui­la­táma̠t hua̠ntu̠ cli̠­lama chuná tla̠n aksti̠tum cli̠­lama caj xpa̠­la­cata porque cli̠­pa̠­huán Xka­huasa Dios y cca­tzi̠y pi̠ snu̠n qui­la­ka­lha­mani̠t hasta li̠ma­ca­má̠s­ta̠lh xla­táma̠t caj quim­pa̠­la­cata.

Hebreos 3:14

Para lacas­qui­ná̠hu pi̠ anka­lhi̠ná nata̠­la­ta­ma̠­yá̠hu Cristo quin­ca̠­mi­ni̠­niyá̠n pi̠ chu­na­tiyá aksti̠tum nali̠­pa̠­hua­ná̠hu hasta la̠tachá ni̠n­co̠cxni nalak­cha̠­ná̠hu chuná cumu la̠ aksti̠tum li̠pa̠­huáhu acxni̠ huacu quin­ca̠­li̠­ma̠­kalh­chu­hui̠­ni̠cán.

2 San Juan 1:9

Xli̠­hua̠k a̠ma̠ko̠lh hua̠nti̠ tama̠­si­yu­má̠­nalh hua̠ntu̠ niaj huá xta­la­ca­pa̠s­tacni Jesús, hua̠nti̠ chuná lama ni̠ xli̠­ca̠na ta̠lama nac xla­táma̠t Dios, pero hua̠nti̠ aksti̠tum li̠la­tama̠y hua̠ntu̠ Jesu­cristo ma̠si­yuni̠t xli̠­ca̠na lac­xtum ta̠lama Quin­tla̠­tica̠n Dios xa̠hua Quim­pu̠­chi­nacán Jesu­cristo.