1 Corintios 5:6 - Totonac Coyutla

⁶ Nac milak­sti̠­pa̠ncán tla­hua­má̠­calh li̠xcáj­nit tala̠­ka­lhí̠n pero ma̠squi chuná hui­xinín ni̠ cuentaj tla­hua­yá̠tit y hasta laca­ta̠­qui̠­na­ná̠tit. ¿Lácu pi̠ ni̠ catzi̠­yá̠tit lácu huan aktum takalh­chu­huí̠n: “Ma̠squi caj actzu̠ leva­dura nama­ca̠­nicán xata­lakmún harina, xli̠­hua̠k xli̠­lanca bastón nama̠xcuti̠ko̠y”?

1 Corintios 5:6 ပူးပေါင်းရင်းမြစ်များ

San Mateo 13:33

Na̠ ca̠li̠­ma̠­kalh­chu­hui̠­ni̠pá eé takalh­chu­huí̠n: —Amá xasa̠sti xta­péksi̠t Dios hua̠ntu̠ ma̠tzu­qui̠ma uú nac ca̠quilh­ta­macú luu xta̠­chuná ámaj tala­ka­pun­tumi̠y cumu la̠ lay actzu leva­dura acxni̠ cha̠tum pusca̠t ta̠lak­ko­chi­pa̠s­pita pa̠tutu tapu̠lhca harina; a̠má leva­dura laka­siyu tzucuy tla­huay xta­scújut hasta caní nama̠­ko­nuko̠y xli̠­hua̠k xli̠­lanca a̠má xata­lakmún harina.

San Lucas 13:21

Ma̠x xta̠­chuná qui̠­taxtuy cumu la̠ a̠má leva­dura, acxni̠ cha̠tum pusca̠t ta̠lak­ko­chi­pa̠s­pita pa̠tutu tapu̠lhca harina, a̠má leva­dura laka­siyu tzucuy scuja hasta acxni̠ nama̠­ko­nuko̠y xli̠­pu̠tum squítit.

Romanos 6:16

Hui­xinín catzi̠­yá̠tit pi̠ para tícu anka­lhi̠ná ta̠s­cuja cha̠tum patrón ne̠c­xnicú kalha­kax­mat­makán, sta­lanca tasiyuy pi̠ hua­tiyá xpu̠­chiná tla­huani̠t. Pus na̠chuná chú qui̠­taxtuy hua̠nti̠ anka­lhi̠ná tla­huay tala̠­ka­lhí̠n, porque hua̠nti̠ xpu̠­chiná li̠ma̠xtuy tala̠­ka­lhí̠n caj cumu anka­lhi̠ná kalha­kax­mata, pus cha̠­ca­tzi̠ya pi̠ caj lak­tzan­ka̠­ta̠­yama, y ni̠chuná qui̠­taxtuy para huá kalha­kax­ma­tá̠hu Dios y Quim­pu̠­chi­nacán tla­hua­yá̠hu, huata quin­ca̠­ma̠x­qui̠yá̠n quilh­ta­macú pi̠ luu aksti̠tum nala­ta­ma̠­yá̠hu.

1 Corintios 15:33

Pero aquit cca̠­hua­niyá̠n pi̠ niaj cataak­ska­huítit porque cumu lá huan tachu­huí̠n: “Ma̠squi ni̠ lhu̠hua cris­tianos hua̠nti̠ li̠xcáj­nit tali̠­ca­tzi̠y, pero tla̠n tama̠­lak­tzanke̠y xli̠­hua̠k hua̠ntu̠ xta­ma̠­la­ca­tzu­qui̠ni̠t xtas­cu­jutcán hua̠nti̠ tla̠n xta­pu­hua̠ncán cris­tianos.”

1 Corintios 3:21

Pus huá xpa̠­la­cata cca̠­li̠­hua­niyá̠n pi̠ ni̠para cha̠tum cris­tiano cali̠­la­ca­ta̠­quí̠­nalh pi̠ huá tapek­si̠niy cha̠tum chixcú caj cumu a̠tzinú lakati̠y hua̠ntu̠ xlá li̠chu­hui̠nán. Pero laca­tancs caca­tzí̠tit pi̠ ni̠para cha̠tum tícu tapek­si̠­ni­yá̠tit sinoque hua­tuní̠n ca̠ta­pek­si̠­niyá̠n porque Dios ca̠ma­ca­mini̠t xli̠­hua̠k hua̠nti̠ taliakchu­hui̠nán xta­chu­huí̠n la̠qui̠ hui­xinín naca̠­li̠­ma­cuaniyá̠n.

1 Corintios 5:2

Y ma̠squi catzi̠­yá̠tit pi̠ chuná ni̠para tzinú li̠ma̠­xa­na­ná̠tit huata caj lá̠m­para li̠huaca li̠la­ca­ta̠­qui̠­na­ná̠tit. Luu ca̠mi­ni̠­niyá̠n pi̠ xli̠­pu­huántit caj xpa̠­la­cata pi̠ ni̠tlá̠n hua̠ntu̠ lama nac milak­sti̠­pa̠ncán, y tamá chixcú hua̠nti̠ chuná lama mini̠niy pi̠ maktum cama̠­la­ka­cho­kótit xla­cata pi̠ niaj naca̠­ta̠­ta­mac­xtu­mi̠yá̠n.

Gálatas 5:9

Cumu la̠ hui­xinín catzi̠­yá̠tit pi̠ ma̠squi caj actzu̠ leva­dura ma̠x­cu­ti̠ko̠y xli̠­hua̠k hua̠ntu̠ lak­mu­nu­cani̠t harina, pus luu cuentaj cat­la­huátit ni̠tu̠ hua̠k tilac­la­ta̠­ya­yá̠tit.

2 Timoteo 2:17

Y a̠má li̠xcáj­nit tachu­huí̠n hua̠ntu̠ tama̠­siyuy la̠li̠­huán tala­ka­pun­tumi̠y xta̠­chuná cumu la̠ surum­piyu tajátat, hua­tiyá u̠má hua̠ntu̠ tali̠­lak­tzan­ka̠­ta̠­yani̠t Himeneo xa̠hua Fileto.

Santiago 4:16

Pero cumu li̠s­ma­ni̠­ni̠­tátit acxni̠ para túcu li̠kalh­chu­hui̠­na­ná̠tit maktum tuncán ma̠ca̠­naj­li̠­yá̠tit pi̠ chuná naqui̠­taxtuy, y hasta li̠la­ca­ta̠­qui̠­na­ná̠tit porque luu lac­ta­li̠­pa̠hu ca̠maklh­ca­tzi̠­ca­ná̠tit ma̠squi xli̠­ca̠na pi̠ ni̠tlá̠n tlancaj namaklh­ca­tzi̠­cana.