1 Corintios 14:34 - Totonac Coyutla

³⁴ Pero huá xla­cata lac­chaján, ni̠ ca̠mi­ni̠niy nata­chu­hui̠nán acxní lac­chix­cu­huí̠n tala­ka­chix­cu­hui̠­má̠­nalh Dios nac pu̠si­culan, y acxní mac­xtum tahui­lá̠­nalh hua̠nti̠ tala­ka­chix­cu­hui̠­má̠­nalh huata caj cacs cata­quí­lhua, porque xlacán ni̠lay tala­ca­tza̠lay hua̠nti̠ ca̠ma̠­peksi̠y chuná cumu la̠ huan nac xli̠­ma̠­peksí̠n Dios hua̠ntu̠ maká̠n timá̠s­ta̠lh.

1 Corintios 14:34 ပူးပေါင်းရင်းမြစ်များ

1 Corintios 11:13

Pus hasta mismo chú hui­xinín ma̠n caqui­la̠­hua­níhu para mini̠niy nakalh­ta­hua­kaniy Dios cha̠tum pusca̠t ma̠squi ni̠ nataak­tlapay.

1 Corintios 11:3

Pero aquit cla­cas­quín naaka­ta̠k­sá̠tit pi̠ Dios ma̠peksi̠y Cristo y Cristo huá ca̠ma̠­peksi̠y lac­chix­cu­huí̠n chuná cumu lá lac­chix­cu­huí̠n tama̠­peksi̠y xpus­ca̠tcán.

1 Corintios 11:5

Na̠chuná qui̠­taxtuy cha̠tum pusca̠t acxni̠ kalh­ta­huakay o li̠chu­hui̠nán xta­chu­huí̠n Dios para ni̠ taak­tlapay pus qui̠­taxtuy pi̠ ni̠ xli̠­ca̠na ca̠c­ni̠­naniy xta̠­ko̠lú hua̠nti̠ ma̠peksi̠y. Tamá pusca̠t xta̠­chuná qui̠­tax­tuniy cumu lá̠m­para aksit­pu̠x­tu­cani̠t.

1 Corintios 14:21

Lacatum nac a̠má libro anta­nícu tatzok­ta­hui­lani̠t xli̠­ma̠­peksí̠n Dios chiné huan: “Ama̠­ko̠lh judíos hua̠nti̠ niaj tzinú quin­ta­li̠­pa̠­huán nac­ca̠­ma­ca­miniy xala mákat lac­chix­cu­huí̠n hua̠nti̠ tali̠­chu­hui̠nán tunuj tachu­huí̠n hua̠ntu̠ xlacán ni̠ taaka­ta̠ksa la̠qui̠ juerza cuentaj naca̠­ma̠aka­hua̠­ni̠cán hua̠ntu̠ aquit cla­cas­quín cata­cá­tzi̠lh, pero ni̠para chuná caquin­ti­ta­ka­lha­káx­matli.”

1 Corintios 14:35

Y para túcu catzi̠­putún hua̠ntu̠ ni̠ li̠huana̠ aká­ta̠ksli hua̠ntu̠ li̠chu­hui̠­na­má̠­calh nac pu̠si­culan, ni̠ mini̠niy naqui­lhán xla­cata naka­lhas­qui­ni̠nán, huata mejor nac xchic naka­lhas­qui­na̠chá xta̠­ko̠lú, porque ni̠ lak­chá̠n nachu­hui̠nan cha̠tum pusca̠t anta­nícu laka­chix­cu­hui̠­má̠­calh Dios.

Efesios 5:33

Pero la̠ta cha̠­tunu cha̠­tunu hua̠nti̠ tamaka­xtok­ni̠­tátit capa̠x­quí̠tit mima̠­hui̠­nacán chuná cumu la̠ me̠c­stucán pa̠x­qui̠­yá̠tit y mak­ta­ka­lhá̠tit mimac­nicán, y na̠chuná xalac­pus­ca̠tní̠n cata­ka­lha­káx­matli hua̠ntu̠ ca̠li̠­ma̠­peksi̠y xta̠­ko̠­lucán.

Colosenses 3:18

Hui­xinín lac­chaján hua̠nti̠ makax­to­ká̠tit, li̠pa̠­xúhu caka­lha­kax­páttit hua̠ntu̠ ca̠li̠­ma̠­pek­si̠yá̠n min­ta̠­ko̠­lucán, porque xli̠­ca̠na pi̠ huá u̠má lakati̠y Dios acxtum nala̠­mak­ta̠­ya­li̠­pi­ná̠tit.

Tito 2:5

lácu nata­ka­lhi̠y tla̠n xta­la­ca­pa̠s­tac­nicán, hua̠ntu̠ tla̠n cata­ta­mak­tá­kalhli y xma̠n huá cuentaj catat­lá­hualh xchiccán, tla̠n cata­ca­tzí̠­nilh cati̠hua̠ cris­tianos, y cata­ka­lha­káx­matli hua̠ntu̠ ca̠li̠­ma̠­peksi̠y xta̠­ko̠­lucán la̠qui̠ ni̠ti̠ cala̠huá namak­stuaksán u̠má xta­chu­huí̠n Dios.