Tito 3:9 - Tokelauan New Testament

⁹ Kae kalo kehe mai nā tauaiga kupu valea, nā talagā gafa, nā fefīnauakiga, ma nā tauaimihaga e uiga ki te Tūlāfono. Ko nā mea iēnei e hēai he uiga ma hēai he aogā.

Tito 3:9 ပူးပေါင်းရင်းမြစ်များ

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

1 Timoteo 4:7

Kae tau mamao ma nā tala fāgogo mai anamua, auā e hē paia ma hēai he aogā. Tokaga oi koleni ke maua e koe he ōlaga e fiafia ki ei te Atua.

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

2 Timoteo 2:16

Tau mamao ma nā talanoaga valea ma hēai he aogā, auā e nā ko te tuli kehe ai o tagata ke mamao ma te Atua.

2 Timoteo 2:23

Tau mamao ma nā fīnauga valea ma hēai he uiga; e iloa e koe ko te ikuga o nā mea iēnei ko te tauaimiha.

Tito 1:14

ma hē toe tauhihi ai ki a lātou talakakai Iutaia mai te vavau, ma nā fakatonuga fakatetagata mai nā tino kua teteke ki te meamoni.

Iakopo 4:1

He ā te tauaimiha ma fakavāvā ai koutou? E māfua ona ko koutou e tumu i nā manakoga o te lalolagi, e tauva pea lava i loto ia te koutou?