Tito 3:13 - Tokelauan New Testament

¹³ Kāfai ia Hena te loia ma Apolo e laga te faigāmalaga, fehoahoani ifo ko ki ei ke mautinoa e maua uma e ki lāua nā mea e fofou ki ei.

Tito 3:13 ပူးပေါင်းရင်းမြစ်များ

Mataio 22:35

ma ko tētahi o ki lātou, he faiakoga o te Tūlāfono, kua fai tana fehili ke tofotofo ai ia Iehu.

Luka 10:25

Oi hau ai he faiakoga o te Tūlāfono, kua tofotofo e ia ia Iehu ma lea vē atu ki ei, “Te Faiakoga, he ā te tatau ke kō faia, ke maua ai e au te ola e fakavavau?”

Luka 11:45

Kua lea vē atu tētahi faiakoga o te Tūlāfono ki a Iehu, “Te Faiakoga, ko tau kupu tēnā kua hē āva mai ai koe ki a te ki mātou!”

Luka 11:52

“Kae hāloa la koutou nā faiakoga o te Tūlāfono! Kua tāofi e koutou te kī e tatala ai te faitotoka ki te fale e maua ai te poto; ko koutou ka hē mafai ke ulu ki loto, ma e tāofi e koutou nā tino e taumafai ke olo ki loto!”

Luka 14:3

ma kua fehili atu ia Iehu ki nā faiakoga o te Tūlāfono ma te kau Falehaio, “E taga i te tātou Tūlāfono ke fakamālōlō ni tauale i te Hāpati, pe hēai?”

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 21:5

Kae ina kua pa ki te aho na tuku e toe folau ai ki mātou, oi olo kehe ai ki mātou. Ko te kau Kelihiano uma lele, ma a lātou āvaga ma a lātou fānau, na olo fakatahi ki mātou ki fafo o te kakai ki te matāfaga, ma i kinā na tōtutuli ai ki mātou uma ki lalo ma tatalo.

Gāluega 28:10

E lahi a mātou meaalofa na ki lātou fōki maia, ma i te taimi ka malaga kehe ai ki mātou, na fakauta ake e ki lātou ki luga o te vaka nā mea uma nae manakomia e ki mātou mo te faiga malaga.

Loma 15:24

kua i ei ai he fuafuaga ko au ka fanatu. Ko au e fofou ke afe atu i taku malaga ki Hepania, ma ke fehoahoani koutou ke vave pa au ki ei, kāfai e uma he tātou māfutaga fiafia mo hina taimi.

1 Kolinito 16:11

Nahe tino lele e faikino ki ei, kae e tatau ke fehoahoani koutou ki ei oi fakaauau tana malaga i te fīlēmū, kae ke toe fōki mai ai ki a te au; auā ko au e fakatalitali atu ke toe ōmamai ma iētahi uho Kelihiano.

1 Kolinito 16:12

Kae e vē la ki to tātou uho ko Apolo, e lahi nā taimi nae fakamālohi ai au ki ei ma iētahi uho Kelihiano, ke āhiāhi atu ki a te koutou, kae e hē talitonu ko te taimi tēnei e tatau ke fanatu ai ia. Kae kāfai loa e maua he avanoa, oi kua fanatu ai.