Tito 2:8 - Tokelauan New Testament

⁸ Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

Tito 2:8 ပူးပေါင်းရင်းမြစ်များ

Maleko 12:17

Oi lea atu ai ia Iehu, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.” Na ofo lele ki lātou ki a Iehu.

Maleko 12:28

E i ei he faiakoga o te Tūlāfono nae i kinā ma na ia lagona nā fetaliakiga nae fai. Kua iloa e ia te lelei o nā tali a Iehu ki nā fehili a te kau Hatukaio, oi hōhō atu ai ki a Iehu ma fehili vē atu ki ei, “Tēfea te fakatonuga e pito hili atu te tāua?”

Maleko 12:32

Kua lea atu te faiakoga o te Tūlāfono ki a Iehu, “E hako lelei lava koe, te Faiakoga. E hako lava tau lea mai, ko te Aliki ko ia oioti lava te Atua, e hēai hētahi atua kae nā ko ia lava oioti.

Maleko 12:34

Kua hāfia e Iehu te poto o te tali kua kaumai, oi toe lea vē atu ai ki ei, “Kua hē mamao kae kavea koe ma vāega o tagata e pule ki ei te Atua.” I te uma atuga lava o te kupu tēnei a Iehu, e hēki toe i ei lele he tino na toe fia toa ke fai hana fehili ki a te ia.

Luka 13:17

Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

1 Timoteo 6:3

Ko ai lava e ia akoakoa he talitonuga e kehe mai i nā kupu moni a to tātou Aliki ko Iehu Keliho ma nā akoakoga a te tātou talitonuga faka-Kelihiano,

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.