Tito 2:15 - Tokelauan New Testament

¹⁵ Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 2:15 ပူးပေါင်းရင်းမြစ်များ

Mataio 7:29

Kua hē vēia ia ko nā faiakoga o te Tūlāfono, kae kua vē ko he tino kua ia te ia te pule kātoa.

Maleko 1:22

Na ofo lele ki lātou ki te faiga o ana akoakoga, ona e vē ko he tino kua ia te ia te pule, kae kua he vē ko nā faiakoga o te Tūlāfono.

Maleko 1:27

Na ofo lele ia tagata uma ma kāmata ai kua fakataufai ma lea vē tētahi ki tētahi, “He ā tēnei? He akoakoga fou nei? E pa foki ki nā agaga kino e ia fakatonua, oi e uhitaki foki lava ki a te ia!”

Luka 4:36

Na ofo lele ia tagata uma, ma kua lea vē tētahi ki tētahi, “Ni itūkāigā kupu a iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!”

1 Kolinito 16:11

Nahe tino lele e faikino ki ei, kae e tatau ke fehoahoani koutou ki ei oi fakaauau tana malaga i te fīlēmū, kae ke toe fōki mai ai ki a te au; auā ko au e fakatalitali atu ke toe ōmamai ma iētahi uho Kelihiano.

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.