Tito 2:12 - Tokelauan New Testament

¹² Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Tito 2:12 ပူးပေါင်းရင်းမြစ်များ

Mataio 12:32

Ho he tino e fai hana kupu e teteke ai ki te Ataliki o te Tagata e mafai ke fakamāgalo; kae ko ai lava e fai hana kupu e teteke ai ki te Agaga Paia, ka hē fakamāgaloa lele ia e te Atua — i te ōlaga nei pe ko te ōlaga ka hau.

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Luka 1:75

kae ke mafai ai ki tātou ke fakapaiagia ma āmiotonu, i mua o ia i aho uma o to tātou ola.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 6:25

I te maua atuga e ki lātou o Iehu i tētahi itū o te vaitūloto, oi lea vē atu ai ki ei, “Te Faiakoga, ko koe na hau anafea ki kinei?”

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

Gāluega 24:25

Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

1 Tehalonia 4:9

E hē tatau ki mātou ke tuhi atu e uiga ki te koutou alolofa ki outou uho Kelihiano. Kua uma lava te akoako atu o koutou e te Atua i te mea tēnei;

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

1 Timoteo 6:9

Kae ko nā tino e fofou ke lahi ni a lātou koloa, e maua ki lātou i nā fakaohoohoga ma lave i te māilei a nā tuinanauga valea e fakakino ai ki lātou, ma toho ai ki lalo ki te mea e fakatāugā ma fakaumatia ai ki lātou.

2 Timoteo 3:12

Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga;

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Epelu 8:11

E hēai he tino o ki lātou e ia tau akoako atua ki o lātou lava tagatānuku pe lea vē ki o lātou tagatānuku, ‘Ke iloa e koe te Aliki.’ Auā ka iloa au e ki lātou uma lele, mai tē e pito fakatauva ki tē e hili te tāua.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

1 Ioane 2:6

ko te tino la e lea ko ia e tūmau i te māfutaga ma te Atua, e tatau ke fakatakitaki ki nā mea nae fai e Iehu Keliho.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.

Iuta 1:18

Na lea atu ki a te koutou, “Kāfai e pa mai nā toe aho, ka ōmamai nā tino ma taufakalili atu ki a te koutou, nā tino e pūlea o lātou ōlaga e o lātou lava tuinanauga hē pūlea.”

Fakaaliga 14:12

Ona ko te mea tēnei, e tatau ai ia tagata o te Atua ke tūmau i te onohai ma te fakatuatua, nā tino e uhitaki ki nā fakatonuga a te Atua ma e talitonu ki a Iehu.