Tito 2:11 - Tokelauan New Testament

¹¹ Auā kua fakaalia e te Atua tona alofa tūnoa e ala i te fakaolataga kua ia hāunia mo tagata uma.

Tito 2:11 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Luka 3:6

ma ka kitea e tagata uma lele te fakaolataga a te Atua!’ ”

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:9

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

Gāluega 13:47

Auā ko tēnei te fakatonuga a te Aliki kua tuku mai ki a te ki māua, ‘Kua kō faia koe ma mōlī ki tagata nukukehe, kae ke kave ai e koe te fakaolataga ki te gataga o te lalolagi.’ ”

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 5:15

Kae ko te meaalofa fōki fua e hē vē ko te agahala a Atamu. E hako e tokalahi na feoti ona ko te agahala a he tino e fokotahi. Kae ko te alofa tūnoa o te Atua e hili lele atu te lahi, ma vēnā tana meaalofa fōki fua mo te tokalahi o tagata e ala i te alofa tūnoa o he tino e fokotahi, ko Iehu Keliho.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 2:21

E hē tetekea e au te alofa tūnoa o te Atua. Kae kāfai he tino e fakaleleia tona va ma te Atua e ala i te Tūlāfono, ko tona uiga e hēai he uiga na oti ai ia Keliho.

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

1 Timoteo 2:4

tē e fofou ko tagata uma ke fakaolagia, ma ke ki lātou iloa te meamoni.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.