Tito 1:7 - Tokelauan New Testament

⁷ Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Tito 1:7 ပူးပေါင်းရင်းမြစ်များ

Mataio 24:45

“Ko ai la te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.