Tito 1:4 - Tokelauan New Testament

⁴ Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Tito 1:4 ပူးပေါင်းရင်းမြစ်များ

Luka 2:11

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

Ioane 4:42

ma kua lea vē atu ki lātou ki te fafine, “E hē ona ko nā mea na lea mai ai koe te kua talitonu ai ki mātou, kae ona na ki mātou lagona lelei lava nā mea nae tautala ai ia Iehu, ma kua ki mātou mautinoa ai, ko ia lava ko te Fakaola o te lalolagi.”

Loma 1:12

Ko te uiga o taku lea atu, ke mafai ki tātou ke fakamālohi tētahi ki tētahi, e ala i to tātou fakatuatua.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

2 Kolinito 12:18

Na tauanau e au ia Tito ke fanatu, ma uga atu ai fakatahi ma tētahi uho o ki mātou. Na fakavalea nei koutou e Tito? Nae hē tutuha nei la o ma loto, ma nā mea nae fai e ki māua?

2 Kolinito 2:13

Kae ko au nae popole lahi ona e hēki kō maua ki kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.

2 Kolinito 4:13

I te tuhituhiga paia, na lea vē he tino, “Ko au na tautala ona ko au kua talitonu.” I te agaga foki lava tēnā e tahi, kua tautatala ai ki mātou ona ko ki mātou e talitonu.

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

2 Kolinito 8:23

E vē la ki a Tito, ko he hoa e ōku ma e gālulue fakatahi ki māua ke tautua atu ki a te koutou. Ko iētahi hoa a kaukauna, ni kavefekau e a nā Ekalehia, auā lava he vīkiga mo Keliho.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Kalatia 2:3

Ko toku hoa ki a Tito, e ui ko he tino Eleni kae e hēki fakamālohiagia ke pelitome,

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Efeho 1:2

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

2 Timoteo 1:1

Mai ia Paulo, he apohitolo a Keliho Iehu na filifilia e te Atua, ke fakailoa ki tagata te ola moni kua uma te ia folafolagia, e ala i te māfutaga ma Keliho Iehu —

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

2 Petelu 2:20

Kāfai nā tino iēnei kua hao mai nā uiga kino o te lalolagi ona kua ki lātou iloa to tātou Aliki Fakaola ko Iehu Keliho, kae toe popoki ma fakatōkilalogia e nā mea iēnei, e hili atu la te kino o te tūlaga e i ei ki lātou i te fakaikuga, nai lo te mea nae i ei ai i te kāmataga.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

2 Petelu 3:2

Ko au e fofou ke koutou manatuagia nā kupu na tautatala ai nā pelofeta paia i nā aho kua leva, ma te fakatonuga mai te Aliki ma te Fakaola na tuku atu ki a te koutou e nā apohitolo o koutou.

1 Ioane 5:14

Ma e ia te ki tātou te loto mautinoa i te hokotaga a ki tātou ma te Atua, kāfai ki tātou e gogō atu ki a te ia i ho he mea e tuha ai ma tona finagalo, e ia lagona mai ki tātou.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.