Tito 1:15 - Tokelauan New Testament

¹⁵ E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.

Tito 1:15 ပူးပေါင်းရင်းမြစ်များ

Mataio 15:18

Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino.

Gāluega 10:15

Kua toe lea vē ifo te leo, “Ho he mea kua fakailoa mai e te Atua e mamā, e hē tatau ke lea koe e hē mamā.”

Loma 14:14

Ko te māfutaga a āku ma te Aliki ko Iehu, kua kō mautinoa ai e hēai he meakai e hē mamā i nā tūlaga tau tāpuakiga; kae kāfai koe e talitonu e i ei ni meakai e hē mamā, ka hē mamā lava la mo koe.

Loma 14:20

Nahe fakahēaogāgia e koutou nā mea na fai e te Atua, ona ko nā meakai. Ko nā meakai uma lele e lelei ke kai, kae e hehē te kai ki he mea kāfai ka kavea tēnā ma mea e pakū ai hētahi tino ki te agahala.

Loma 14:23

Kae kāfai e i ei ho lātou loto māhalohalo ki a lātou mea e kai, ka taku halagia ki lātou e te Atua kāfai e kakai ki ei, auā ko a lātou mea e fai e hē fakavaegia i luga o te fakatuatua. Ma ko ho he mea e hē fakavaea i te fakatuatua ko he agahala tēnā.

1 Kolinito 10:23

E lea nā tino, “E taga ki tātou ke fai ho he mea.” Io e hako, kae e hē vēakē ko mea uma e lelei. “E taga ki tātou ke fai ho he mea” — kae e hē ko mea uma e fehoahoani ke ati ake ai.

1 Kolinito 10:25

E taga te kakai o koutou ki ho he mea mai te māketi e fakatau ai nā kanofi manu, e aunoa ma he fakafehili ona ko outou lotofuatia.

1 Kolinito 10:31

Ko te mea ia, pe he ā lava ta koe e fai, pe ko koe e kai pe inu, fai uma nā mea iēnei mo he vīkiga o te Atua.

1 Kolinito 8:7

Kae e hē ko tagata uma te ki lātou iloa te meamoni tēnei. Ko iētahi tino na ola ake lava ma te talitonuga ko nā tupua ni mea e i ei ni ola ma ke pa mai lava nei, kāfai e kakai ki nā meakai vēnei e manatu lava ko nā meakai e mo he tupua; e vāivai to lātou lotofuatia, ma e manatu ko ki lātou e hē mamā i nā meakai.

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.