Tito 1:10 - Tokelauan New Testament

¹⁰ Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Tito 1:10 ပူးပေါင်းရင်းမြစ်များ

Gāluega 11:2

I te fanoga la o Petelu ki Ieluhalema, na fakaheā ki ei nā tino nae manatu ko tagata nukukehe e tatau ke pelitome. Kua lea vē ki lātou,

Gāluega 15:1

E i ei ni taulelea na ōifo mai Iutea ki Anitioka ma kāmata akoako vē atu ki nā tino kua talitonu, “E hē mafai koutou ke fakaola e te Atua, heiloga ko koutou kua pelitome e vē oi lea mai te Tūlāfono a Mohe.”

Gāluega 15:24

Kua fakalogo ki mātou e i ei ni tino na oatu ia te ki mātou, kua fai ma fakalavelave ki a te koutou ma ko koutou kua hē fiafia lahi ona ko a lātou kupu e tautatala ai. E hēki ki mātou fakatonua lele nā tino iēnā.

Gāluega 20:29

Kua uma te kō iloa kāfai au e fano kehe, ka ōmamai nā luko fēkakai ki a te koutou, ma ka hē ki lātou fakahaoa te lafu māmoe.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 3:1

Kai koutou iēnā i Kalatia te vālelea! Ko koutou nei na fakalauatau e he tino? Ko tēnā na fakakikila outou mata ki te fakamatalaga manino e uiga ki te mate o Iehu Keliho i luga o te hātaulo?

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

1 Timoteo 1:4

Fakatonu ki ei ke tīaki a lātou tala fāgogo mai te vavau, ma nā gafa loloa o nā tupuna o ki lātou. Ko nā mea iēnā e tutupu ai nā fīnauga, ma e hē fehoahoani ki te fakatinoga o fuafuaga a te Atua, iēia e fātoā iloa oi oti kāfai te tino e talitonu ki a Keliho.

1 Timoteo 1:6

Kua i ei nā tino kua liliu kehe mai nā mea iēnei, ma kua nunumi o lātou māfaufau i nā talatalanoaga ki nā mea e hēai he uiga.

1 Timoteo 1:9

E tatau lava ke manatua, ko nā tūlāfono e hē faia mo nā tino e lelei, kae e fai mo nā tino holi tūlāfono ma hē uhitaki, nā tino agahala ma hē talitonu ki te Atua, nā tino e hē tāpuaki ki te Atua ma fakakinoa tona igoa, nā tino e ki lātou tāmatea o lātou tamana pe ko nā mātua, nā tino tāmate tino,

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

2 Timoteo 4:4

Ka liliu kehe ki lātou ma hē toe fakalogo ki te meamoni, kae ka fano lava o lātou māfaufau ki nā talakakai mai te vavau.

Tito 1:6

ko te tino e tōfia ma toeaina e tatau ke lelei tana āmio; e tatau ke fokotahi oi oti tana āvaga, ma tatau tana fānau ke talitonu ki te Atua kae nahe ola i he ōlaga hē pūlea pe fakalogogatā.

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 2:6

Kae ko tēnei te mea e fiafia ai au ki a te koutou: ko koutou e inoino e vē ko au, ki nā mea e fai e nā tino e mulimuli ki a Nikolaito.