Mataio 9:8 - Tokelauan New Testament

⁸ I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Mataio 9:8 ပူးပေါင်းရင်းမြစ်များ

Mataio 12:23

Na ofo lele te kaifenua uma ki te mea kua fai e Iehu, ma lea vē, “E hē ko te Ataliki nei tēnei o Tavita?”

Mataio 15:31

Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Mataio 9:7

Oi tū loa lava te tamāloa ki luga, kua fano ki tona fale.

Maleko 2:12

Oi tū loa lava te tamāloa ki luga, kua hiki tona moega ma fano kehe vave, ka koi kikila atu ki ei nā tino. Na taufai ofo ki lātou uma lele ma viviki ake ki te Atua ma lea vē, “E hēki ki mātou kiteagia lele he mea vēnei!”

Maleko 7:37

Ko nā tino uma na fakalogo ki te tala tēnei, na ofo lahi lele ma lea vē, “Kai te lelei o te faiga o nā gāluega a ia! E pa lava ki nā tutuli ma nā gūgū kua toe taligalogo ma tautatala!”

Luka 13:13

Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Luka 17:15

I te kiteaga e tētahi o ki lātou ko ia kua mālōlō, oi toe liliu mai ai, ma viviki ake ki te Atua i te leo lahi.

Luka 17:18

He ā te kua nā ko te tino nukukehe oioti te kua toe liliu mai oi fakafetai ki te Atua?”

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 2:20

Oi toe fōki ai nā leoleomāmoe ma pepehe i nā vīkiga o te Atua, ona ko nā mea uma lele na fakalogo ma kikila ki lātou ki ei, e vē lava oi lea ake ai te agelu.

Luka 23:47

Kua kitea atu e te takitakikau o te toka helau te mea kua tupu, oi viviki ake ai ki te Atua, ma lea vē, “E hako lava, ko te tino tēnei e hēai hana holitūlāfono!”

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Ioane 15:8

Ka fakaalia te mamalu o toku Tamana i te lahi o nā fua e fua mai ia te koutou; ma ko te mea ia e kavea ai koutou ma hoko o oku.

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

2 Kolinito 9:13

Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

Kalatia 1:24

Oi na viviki ake ai ki lātou ki te Atua ona ko au.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.