Mataio 9:5 - Tokelauan New Testament

⁵ Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’

Mataio 9:5 ပူးပေါင်းရင်းမြစ်များ

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:6

Ka kō fakamāonia atu la ki a te koutou, ei te Ataliki o te Tagata te pule i te lalolagi, ke fakamāgalo ai nā agahala.” Oi lea atu ai ki te tamāloa e mate tona tino kātoa, “Tū ki luga, hiki tō moega oi fano ki tō kāiga!”

Maleko 2:5

I te kiteaga e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, ko au agahala kua fakamāgalo.”

Luka 5:20

Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

Luka 7:48

Oi lea atu ai ia Iehu ki te fafine, “Ko au agahala kua fakamāgalo.”

Gāluega 3:16

Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.

Gāluega 9:34

Oi lea vē atu ai ki ei ia Petelu, “Ainea, ko koe ka fakamālōlō e Iehu Keliho i te taimi nei. Tū ki luga oi fefetu tō moega.” Ko te taimi lava tēnā na tū ai ki luga ia Ainea kua mālohi.