Mataio 9:35 - Tokelauan New Testament

³⁵ Kua fano ia Iehu oi āhiāhi tāmilo ki nā kakai ma nā nuku uma. Na fai ana akoakoga i loto o nā hūnako, tālaki atu te Tala Lelei e uiga ki te Mālō o te Atua, ma fakamālōlō ia tagata e maua i nā tauale kehekehe.

Mataio 9:35 ပူးပေါင်းရင်းမြစ်များ

Mataio 10:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te pule ke tuli ai ki fafo nā agaga kino, ma ke fakamālōlō ai ia tagata uma kua maua i nā tauale kehekehe.

Mataio 11:1

Kua uma te fai e Iehu o nā fakatonuga iēnei ki ona hoko e toka hefululua, oi fano kehe ai ma kinā kua fano oi akoako ma folafola atu i nā kakai e tafapili ki te mea tēnā.

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Maleko 1:14

Kua i te falepuipui ia Ioane, kae fanatu ia Iehu ki Kalilaia oi tālaki atu te Tala Lelei mai te Atua.

Maleko 6:56

Ho he mea lava e fano ki ei ia Iehu, ki nā nuku, nā kakai, pe ko nā nofoaga i nā fenua i tua, e kave e tagata nā tauale ki nā māketi ma fakatagi ki a Iehu ke tau lava ko nā tauale ke paki ake ki te pito o tona kofu loloa. Ko nā tino uma foki nā paki ki ei, na fakamālōlōgia.

Maleko 6:6

Ma na ofo lele ia Iehu ki te hē fakatuatua o tagata. Oi fano ai ki nā nuku i te kogāfenua tēnā, ma akoako atu ki tagata.

Luka 13:22

Kua kui atu ia Iehu i nā tamā kakai ma nā nuku i tana malaga ki Ieluhalema, ma akoako atu ki tagata.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.