Mataio 9:34 - Tokelauan New Testament

³⁴ Kae kua lea vē te kau Falehaio, “Ko te takitaki o tēmoni te ia fōkia ki a Iehu te pule ke tuli ai ki fafo nā tēmoni.”

Mataio 9:34 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 11:18

I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’

Mataio 12:22

Oi kaumai e ni tino ki a Iehu he tamāloa e tāuaho ma gūgū, ona e ulufia e he tēmoni. Kua fakamālōlō e Iehu te tamāloa, ma na mafai ai te tamāloa ke tautala ma kitea e ona mata.

Mataio 12:27

Ma kāfai ko nā tēmoni e tuli e au ki fafo i te pule a Pelehepulo, e mai ia te ai la te pule e tuli ai ki fafo nā tēmoni e nā hoko o koutou? Ko nā mea e fai e nā hoko o koutou e fakamāonia ai ko koutou e hehē!

Maleko 3:22

Ko iētahi faiakoga o te Tūlāfono na ōifo mai Ieluhalema kua lea vē, “Ko te tagata tēnei e ulufia e Pelehepulo. Ko te takitaki o tēmoni te ia fōkia ki ei te pule ke tuli ai ki fafo nā tēmoni.”

Luka 11:15

kae ko iētahi tino kua lea vē, “Ko Pelehepulo, te takitaki o tēmoni, te ia fōkia ki ei te pule ke tuli ai ki fafo nā tēmoni.”

Ioane 3:20

Ko nā tino e faia nā mea e kino, e inoino ki te mālamalama ma e hē mafai ke ōmamai ki te mālamalama, auā e hē fofou ke kitea a lātou āmio kino.

Ioane 7:20

Kua tali mai nā tino i te kaifenua, “Ko koe e ulufia e he tēmoni. Ko ai te taumafai ke tāmate koe?”