Mataio 9:31 - Tokelauan New Testament

³¹ Kae kua olo te toka lua kua fakahalalau ki itū uma o te kogāfenua tēnā, te tala ki a Iehu.

Mataio 9:31 ပူးပေါင်းရင်းမြစ်များ

Mataio 14:1

Ko te taimi tēnā, na logotala ai ia Helota te tupu o Kalilaia ki nā mea ofoofogia a Iehu nae fai.

Mataio 28:15

Kua kave e nā fitafita te tupe, ma na ki lātou faia lava e vē oi fakatonu ai ki lātou. Ma ko tēnā te tala kua fakahalalau ki tagata Iutaia, ke pa mai lava ki te aho tēnei.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 9:26

Kua halalau foki ki itū uma o te kogāfenua tēnā, te tala ki te mea tēnei.

Maleko 1:28

Oi kua vēnā te halalau vave o te tala ki a Iehu, ki nā pitonuku uma lele o Kalilaia.

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.

Luka 4:14

Oi toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga ki a te ia, ki te kogāfenua kātoa tēnā.

Luka 4:37

Oi halalau ai te tala ki a Iehu, ki nā itū uma o te kogāfenua tēnā.

Luka 5:15

Kae kua fakaatili ai te halalau o te tala ki a Iehu. Oi holo mai ai te tokalahi o tagata ke fakalogologo ki a te ia, ma ke fakamālōlō ki lātou, mai o lātou tauale.

Luka 7:17

Kua halalau te tala tēnei ki a Iehu, ki Iutea kātoa, vēnā foki ma nā fenua e tuākoi ki ei.