Mataio 9:30 - Tokelauan New Testament

³⁰ ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Mataio 9:30 ပူးပေါင်းရင်းမြစ်များ

Mataio 12:16

ma fakatonu ai e ia ki lātou ke nahe ki lātou takua lele ki iētahi tino e uiga ki a te ia.

Mataio 17:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino e uiga ki te fakaaliga na kikila ki ei outou mata, heiloga kua toe fakatū te Ataliki o te Tagata mai te oti.”

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Maleko 1:43

Na tautala mālohi ia Iehu ki ei, oi uga ai ke fano i te taimi lava tēnā,

Maleko 3:12

Ka kua fakatonu mālohi e Iehu nā agaga kino ke nahe ki lātou takua ki he tino pe ko ai ia.

Maleko 5:43

Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Luka 5:14

Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Luka 8:56

Na ofo lele nā mātua o te teine, kae kua fakatonu atu ki lāua e Iehu, ke nahe takua lele ki he tino te mea na tupu.