Mataio 9:29 - Tokelauan New Testament

²⁹ Oi tago ai ia Iehu ki o lā mata ma vāgana atu ki ei, “Ke vēnā lava la ona fai, e vē ona talitonu koulua e mafai!” —

Mataio 9:29 ပူးပေါင်းရင်းမြစ်များ

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 20:34

Na lagona e Iehu te alofa ki a te ki lāua ma na tago ai ki o lā mata; ma ko te taimi lava tēnā na mafai ai ke kitea e o lā mata, oi mulimuli atu ai ki lāua ki a Iehu.

Mataio 8:13

Oi lea atu ai ia Iehu ki te takitakikau, “Fano loa ki tō fale. Ko te mea e talitonu koe ki ei, ka vēnā lava oi fakataunuku mo koe.” Ko te taimi lava tēnā na mālōlō ai te kaukauna a te takitakikau.

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Mataio 9:28

Kua ulu ia Iehu ki loto fale, oi ōmamai ai ki a te ia nā tāuaho e toka lua. Kua fehili atu ia Iehu ki a te ki lāua, “E talitonu koulua e mafai e au oi fakamālōlō koulua?” Kua tali mai ki lāua, “Io, te Aliki!”

Maleko 10:52

Oi vāgana atu ai ia Iehu ki ei, “Hau la fano, ko tō fakatuatua kua mālōlō ai koe.” Ko te taimi lava tēnā na mafai ai ke kitea e ona mata, oi mulimuli ai ki a Iehu i te auala.