Mataio 9:27 - Tokelauan New Testament

²⁷ Kua tukua e Iehu ia kinā, ma e havavali atu kae mulimuli atu ki a te ia ni tamāloa tāuaho e toka lua. Kua kālalaga vē atu ki a Iehu, “Te Ataliki o Tavita, alofa mai ko ki a te ki māua!”

Mataio 9:27 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Mataio 17:15

ma lea vē atu, “Te Aliki, alofa mai ko ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai.

Mataio 20:29

Kua olo kehe ia Iehu ma nā hoko o ia mai Ieliko, oi mulimuli ai ki ei he kaifenua e tokalahi.

Mataio 21:15

Kae i te kiteaga e te kau ohitāulaga hili ma nā faiakoga o te Tūlāfono, nā mea ofoofogia a Iehu kua fai, ma tamaiti e taukalalaga i loto o te Mālumalu, “Ke vīkia te Ataliki o Tavita,” oi lagona ai e ki lātou te ita.

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Mataio 9:28

Kua ulu ia Iehu ki loto fale, oi ōmamai ai ki a te ia nā tāuaho e toka lua. Kua fehili atu ia Iehu ki a te ki lāua, “E talitonu koulua e mafai e au oi fakamālōlō koulua?” Kua tali mai ki lāua, “Io, te Aliki!”

Maleko 11:10

Ke fakamanuia e te Atua te mālō ka pa mai o te Tupu ko Tavita, tō tātou tamana! Ke vīkia te Atua!”

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Luka 17:13

kae taufōlua vē, “Iehu! Te Faiakoga! Alofa mai ko ki a te ki mātou!”

Luka 20:41

Kua fehili atu ia Iehu ki a te ki lātou, “E vēhea ona lea ko he lāpuna e o Tavita te ka kavea Mehia?

Luka 7:21

I te taimi tēnā, na fātoā uma te fakamālōlō e Iehu o nā tino e tokalahi mai nā tauale, nā fāmai pēhi, nā agaga kino, ma fakapupula nā mata o nā tāuaho e tokalahi.

Ioane 7:42

E lea mai te tuhituhiga paia, ko te Mehia ka tupuga mai i te Tupu ko Tavita, ma ka fānau mai i Peteleema, te kakai nae nofo ai ia Tavita.”

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 9:5

na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.