Mataio 9:24 - Tokelauan New Testament

²⁴ oi lea atu ai, “Olo uma ki fafo! Ko te tautiti e hēki oti — kae e moe.” Ka kua kāmata oi fakatauemu ki lātou ki a Iehu.

Mataio 9:24 ပူးပေါင်းရင်းမြစ်များ

Maleko 5:40

Ka kua kāmata oi fakatauemu ki lātou ki a Iehu. Oi tuli ai e ia ki lātou uma ki fafo o te fale, kae kave oioti te tamana ma te mātua o te tamaiti, ma ona hoko e toka tolu, kua olo ma ia ki loto o te potu e i ei te tamaiti.

Luka 8:53

Ka kua kāmata oi fakatauemu ki lātou ki a Iehu, ona kua ki lātou iloa, ko te tamaiti kua oti.

Ioane 11:4

Kae i te lagonaga e Iehu o te mea tēnei, oi lea vē ai, “Ko te ikuga mulimuli o te tauale o Lahalo e hē ko te oti; ko te mea tēnei kua tupu ke fakaalia ai te mana o te Atua, ma ke vīkia ai te Ataliki o te Atua.”

Gāluega 20:10

Kae kua fanaifo ia Paulo ki lalo, kua fakapakū ki luga o te taumalo ma ōpoipoi mai ma lea vē atu ai, “Koutou nahe popole, ko te taumalo koi ola!”

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.