Mataio 9:22 - Tokelauan New Testament

²² Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Mataio 9:22 ပူးပေါင်းရင်းမြစ်များ

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 17:18

Oi fai ai te fakatonuga a Iehu ki te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.

Mataio 8:13

Oi lea atu ai ia Iehu ki te takitakikau, “Fano loa ki tō fale. Ko te mea e talitonu koe ki ei, ka vēnā lava oi fakataunuku mo koe.” Ko te taimi lava tēnā na mālōlō ai te kaukauna a te takitakikau.

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:29

Oi tago ai ia Iehu ki o lā mata ma vāgana atu ki ei, “Ke vēnā lava la ona fai, e vē ona talitonu koulua e mafai!” —

Maleko 10:52

Oi vāgana atu ai ia Iehu ki ei, “Hau la fano, ko tō fakatuatua kua mālōlō ai koe.” Ko te taimi lava tēnā na mafai ai ke kitea e ona mata, oi mulimuli ai ki a Iehu i te auala.

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Luka 17:19

Oi lea atu ai ia Iehu ki te tino tēnei, “Tū la ki luga oi fano; ko tō fakatuatua kua mālōlō ai koe.”

Luka 18:42

Kua vāgana atu ia Iehu ki ei, “Pupula la! Ko tō fakatuatua kua mālōlō ai koe.”

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 8:48

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”

Ioane 4:53

Oi manatua ai e te tamana, ko te taimi tonu foki lava tēnā na lea vē ake ai ia Iehu ki a te ia, “Ko tō ataliki e hē oti.” Oi na talitonu ai loa te tino ofiha ki a Iehu, fakatahi ma tona kau kāiga uma.

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Gāluega 16:18

E lahi lele nā aho na fai ai tana mea tēnei, ma kua fai ma mea e tīgā ai te loto o Paulo ma na māfuli atu ai oi lea vē atu ki te agaga kino, “I te igoa o Iehu Keliho e kō fakatonua atu ai koe ke hau loa ki fafo o te tautiti tēnā!” Ko te taimi lava tēnā na hau ai ki fafo o te tautiti te agaga kino.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.