Mataio 9:15 - Tokelauan New Testament

¹⁵ Kua tali mai ia Iehu ki a te ki lātou, “E mafai te kau valakaulia i he fakaipoipoga ke fakanoanoa, kāfai te tama fakaipoipo koi fakatahi ki lātou? E hē mafai! Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.”

Mataio 9:15 ပူးပေါင်းရင်းမြစ်များ

Mataio 9:14

Oi ōmamai ai nā hoko o Ioane te Papatiho ki a Iehu, kua fehili vē atu ki ei, “He ā te fakalāina ho ai ki mātou ma te kau Falehaio, kae ko nā hoko o koe e hē fakalāina lele?”

Mataio 9:16

“E hēai he tino e fono e ia he peleue tuai i he meakie fou, auā kāfai e mimigi te meakie fou, oi ka ātili ai te lahi o te gahae i te peleue.

Maleko 2:19

Kua tali mai ia Iehu ki a te ki lātou, “E mafai te kau valakaulia i he fakaipoipoga ke fakalāina ka koi fakatahi ki lātou ma te tama fakaipoipo? Kāfai te tama fakaipoipo e fakatahi pea lava ma ki lātou, e hē ki lātou faia he mea vēnā.

Maleko 2:20

Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.

Luka 17:22

Oi vāgana atu ai ki te kau hoko, “E hau te taimi ka lagona ai e koutou te fia kikila ki he aho e fokotahi o nā aho o te Ataliki o te Tagata, kae ka hē koutou kitea.

Luka 5:34

Kua tali mai ia Iehu ki a te ki lātou, “E koutou mafaia oi fakalāina te kau valakaulia i he fakaipoipoga, ka koi i ei te tama fakaipoipo fakatahi ma ki lātou? E hē mafai!

Luka 5:35

Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.”

Ioane 16:6

Nei la kua kō taku atua, ko outou loto kua tūtumu i te fakanoanoa.

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

1 Kolinito 7:5

Nahe tetekea e tētahi tētahi, vaganā ai e mālilie muamua koulua ke fai vēnā mo he vāitaimi, kae ke mafai ai ke fakafano houlua taimi i te tatalo; oi kua toe kāmata ai nā hokotaga fakaulugālī. I te auala tēnei, ka hē mafai ai koutou ke fakaohoohogia e Hātani ona kua hē ia te koutou te loto onohai.

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”

Fakaaliga 21:2

Ma na kō kitea atu te Kakai Paia, te Ieluhalema fou, kua fanaifo ki lalo mai te lagi mai te Atua, kua uma te tāpena ma hāuni, e vē ko he teine fakaipoipo kua teu mo tana tāne.