Mataio 9:13 - Tokelauan New Testament

¹³ Olo oi hakilikili te uiga o te kupu a te Atua i te tuhituhiga paia e vē mai, ‘Ko te mea e fofou au ki ei, ko koutou ke agalelei tētahi ki tētahi, kae e hē ko autou tāulaga mu e fai mai ki a te au i nā manuvaefa.’ Ko au e hēki hau ke kalaga ki nā tino e fakaaloalogia, kae ki nā tino e inohia e tagata.”

Mataio 9:13 ပူးပေါင်းရင်းမြစ်များ

Mataio 12:3

Kua vāgana atu ia Iehu ki a te ki lātou, “E hēki faitau nei koutou ki te mea a Tavita na fai, i te mauaga i te fia kaia, ko ia ma ki lātou nae fakatahi ma ia:

Mataio 12:5

Pe hēki faitau koutou ki te Tūlāfono a Mohe e lea mai, i Hāpati uma lava, ko te tūlāfono o te Hāpati e holi e nā ohitāulaga i loto o te Mālumalu kae e hē hala lele ai ki lātou?

Mataio 12:7

E lea mai te tuhituhiga paia, ‘Ko te agalelei te fofou au ki ei, kae hē ko nā tāulaga e fai i nā manuvaefa.’ Ka na iloa lelei e koutou te uiga o te mea tēnei, e hēki fakahalagia e koutou nā tino e hēai ni a lātou holi tūlāfono;

Mataio 19:4

Kua tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine.

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 3:8

Fai nā mea ke iloa ai ko koutou kua halamō i autou agahala.

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Maleko 12:26

Kae vē la ki nā tino oti e toe fakatutū: e hēki faitau lele nei koutou ki te Tuhi a Mohe e takua ai te lākau tālatala na mumū? E tūhia i kinā ko te Atua na vāgana vēnei ki a Mohe, ‘Ko au ko te Atua o Apelaamo, te Atua o Ihaako, ma te Atua o Iakopo.’

Maleko 12:33

E tatau koe ke alofa ki te Atua ma tō loto kātoa, ma tō māfaufau kātoa, ma tō mālohi kātoa, ma alofa ki tō tuākoi e vē ona alofa koe ki a te koe lava. E hili atu te tāua o te uhitaki ki nā fakatonuga iēnei e lua, i lo te fai o nā tāulaga mu i nā manu ma iētahi itūkāigā tāulaga ki te Atua.”

Maleko 2:17

Kua lagona atu e Iehu ki lātou oi tali vē atu ai, “Ko nā tino e mālōlō, e hē ki lātou manakomia he fomai, kae vaganā ai nā tino e tauaale. Ko au e hēki hau ke kalaga ki nā tino lelei, kae ki nā tino e inohia e tagata.”

Luka 10:26

Kua tali mai ia Iehu, “E vēhea mai la nā Tuhituhiga Paia? E vēhea tau faitau ki ei?”

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Luka 5:31

Kua tali atu ia Iehu ki a te ki lātou, “Ko nā tino e mālōlō e hē ki lātou manakomia he fomai, kae vaganā ai nā tino e tauaale.

Luka 5:32

Ko au e hēki hau ke kalaga ki nā tino lelei kae ki nā tino e inohia e tagata, ke halamō.”

Ioane 10:34

Oi tali atu ai ia Iehu, “E tūhia i nā Tūlāfono a koutou ko te Atua na vāgana vē, ‘Ko koutou ni atua.’

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.