Mataio 8:9 - Tokelauan New Testament

⁹ Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Mataio 8:9 ပူးပေါင်းရင်းမြစ်များ

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 8:8

Kae kua tali mai te takitakikau. “Te Aliki, ko au ko he tino fakatauva ma e hē talafeagai ke ulu koe ki loto o toku fale. Kae tau lava ko hau kupu, ma ka mālōlō ai taku kaukauna.

Maleko 1:27

Na ofo lele ia tagata uma ma kāmata ai kua fakataufai ma lea vē tētahi ki tētahi, “He ā tēnei? He akoakoga fou nei? E pa foki ki nā agaga kino e ia fakatonua, oi e uhitaki foki lava ki a te ia!”

Luka 4:39

Oi fano ai ia Iehu, kua tū i tafa o te moega o te fafine kae fakatonu te fiva ke fano kehe mai te fafine. Kua fano kehe te fiva mai te fafine, oi tū ake ai loa ki luga i te taimi lava tēnā, oi laulau te lātou meakai.

Luka 7:8

Auā ko au foki ko he tino kua tuku ki lalo o te pule a nā takitakikau e maualuluga atu ia te au, ma e i ei foki nā fitafita ei lalo o taku pule. Ma kāfai au e lea ki te tino te, ‘Fano vē!’ oi e fano; kāfai au e lea ki tētahi tino, ‘Hau!’ oi e hau foki; ma kāfai au e lea ki taku kaukauna, ‘Fai te mea te!’ oi e vēnā lava oi fai e ia.”

Luka 9:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te mana ma te pule ke tuli ai ki fafo nā tēmoni uma, ma fakamālōlō ai nā tauale.

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

Tito 2:9

Fakatonu nā pologa ke uhitaki ki o lātou matai ma ke fai e ki lātou nā mea e fakafiafia ai. E hē tatau ki lātou ke talitali ki o lātou matai,