Mataio 8:8 - Tokelauan New Testament

⁸ Kae kua tali mai te takitakikau. “Te Aliki, ko au ko he tino fakatauva ma e hē talafeagai ke ulu koe ki loto o toku fale. Kae tau lava ko hau kupu, ma ka mālōlō ai taku kaukauna.

Mataio 8:8 ပူးပေါင်းရင်းမြစ်များ

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Mataio 3:14

Kae kua taumafai ia Ioane ke teteke ki ei, ma na lea vē atu ai ki a Iehu, “Ko au te tatau ke papatiho e koe, kae ko koe kua hau ke papatiho koe e au!”

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Mataio 8:7

Kua lea atu ia Iehu ki ei, “Ko au la ka fanatu oi fakamālōlō tau kaukauna.”

Mataio 8:9

Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Luka 15:19

Kua hē toe aogā ke takua au, ko he ataliki e o koe; kae kavea au e vē ko hētahi o nā tino faigāluega a koe.’

Luka 15:21

Kua lea atu te ataliki, ‘Toku tamana, ko au kua agahala ki te Atua vēnā ma koe. Kua hē toe aogā ke takua au, ko he ataliki e o koe.’

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Ioane 1:27

E mulimuli mai ia ia te au, kae e hē aogā au ke kō tatala ona hēvae.”