Mataio 8:4 - Tokelauan New Testament

⁴ Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Mataio 8:4 ပူးပေါင်းရင်းမြစ်များ

Mataio 10:18

Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei ki a te ki lātou ma tagata nukukehe.

Mataio 16:20

Oi fakatonu ai e Iehu ona hoko, ke nahe ki lātou takua lele ki he tino ko ia ko te Mehia.

Mataio 17:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino e uiga ki te fakaaliga na kikila ki ei outou mata, heiloga kua toe fakatū te Ataliki o te Tagata mai te oti.”

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Mataio 5:17

“Ia koutou nā vēakē ko au na hau ke tatala te Tūlāfono a Mohe ma nā akoakoga a te kau pelofeta. Ko au e hēki hau ke tatala, kae ke taunuku ai a lātou akoakoga.

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Mataio 9:30

ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Maleko 3:12

Ka kua fakatonu mālohi e Iehu nā agaga kino ke nahe ki lātou takua ki he tino pe ko ai ia.

Maleko 5:43

Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Maleko 6:11

Kāfai koutou e tau atu ki he kakai e hē talia ai koutou, ma mumuhu ia tagata oi fakalogo atu ki a te koutou, olo kehe ma kinā ma lūlū kehe te pefu mai outou vae. Ka fai tēnā ma fakailoga ke ki lātou iloa ai te ikuga ka pa ki lātou ki ei.”

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.

Maleko 8:30

Oi fakatonu ai ki lātou e Iehu vēnei, “Nahe koutou lea lele ki he tino e uiga ki a te au.”

Maleko 9:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino te mea na koutou kitea, heiloga kua toe tū te Ataliki o te Tagata mai te oti.”

Luka 17:14

Kua kitea atu ki lātou e Iehu, oi lea vē atu ai ki ei, “Olo la oi fakaali outou tino ki nā ohitāulaga.” I te taimi na olo ai, na mālōlō ai lava.

Luka 21:13

Ko tēnei te avanoa ke fakailoa atu ai e koutou te Tala Lelei.

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.

Luka 5:14

Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Luka 8:56

Na ofo lele nā mātua o te teine, kae kua fakatonu atu ki lāua e Iehu, ke nahe takua lele ki he tino te mea na tupu.

Luka 9:21

Oi fakatonu ai ki lātou e Iehu, ke nahe ki lātou takua lele ki he tino te mea tēnei.

Ioane 5:41

“Ko au e hē fofou ki ni vīkiga mai tagata.

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Ioane 8:50

E hē kō hakilia ni vīkiga mo oku. Kae e i ei te tino e fofou ko au ke vīkia, ma ko ia tēnā ka faia te fakamahinoga.