Mataio 8:29 - Tokelauan New Testament

²⁹ Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Mataio 8:29 ပူးပေါင်းရင်းမြစ်များ

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Mataio 8:30

E hē mamao atu ma kinā nae kakai mai ai he lafu puaka lahi.

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Maleko 3:11

Ko taimi uma lava e kitea atu ai ia Iehu e nā tino e ulufia e nā agaga kino, oi fakapakukū ai ki mua o ia kae taufōlua vē, “Ko koe ko te Ataliki o te Atua!”

Maleko 5:7

kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”

Luka 4:34

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe: ko koe ko te kavefekau paia a te Atua!”

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.

Luka 8:28

I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

Ioane 2:4

Kua tali mai ia Iehu, “Te mātua, nahe kē lea mai ko kinā mea e tatau ke kō faia! Ko toku taimi ko hēki pa mai.”

Gāluega 16:17

Nae taumulimuli ki a Paulo ma ki mātou ma taufōlua vē, “Ko nā tino iēnei ni kaukauna e a te Atua Hilihilikehe! E fakailoa atu e ki lātou te auala e mafai ai koutou ke fakaolagia.”

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.