Mataio 8:26 - Tokelauan New Testament

²⁶ Ka kua tali atu ia Iehu ki a te ki lātou, “He ā te mātataku ai koutou? Kai te taigole lele o te koutou fakatuatua!” Oi tū ai ia Iehu ki luga kua fakatonu te matagi ma nā galu ke mālū, oi toku ai loa te matagi ma toka te tai, ma kua tokihi te malino.

Mataio 8:26 ပူးပေါင်းရင်းမြစ်များ

Mataio 16:8

Kua iloa e Iehu nā mea e fakataufai ai ki lātou, oi lea vē atu ai ki ei, “Kai te taigole ātili lele o te koutou fakatuatua! He ā te fakataufai ai koutou ki te hēai o ni falaoa?

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Mataio 8:27

Na ofo lele te kau hoko ma lea vē, “He itūkāigā tagata vēhea tēnei? E pa foki lava ki nā matagi ma nā galu e uhitaki ki a te ia!”

Luka 4:35

Kae kua muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o ki lātou, oi fano ai ki fafo kae e hēki ia faia he mea ke āfāina ai te tamāloa.

Loma 4:20

E hēki teka kehe lele tona fakatuatua ma e hēki māhalohalo lele foki ki te folafolaga a te Atua; ko tona fakatuatua nae maua lahi ai e ia te mālohi, ma nae viviki ake ai ia ki te Atua.

Fakaaliga 10:2

E i ei te tamā tuhitākai kua tatala e i tona lima. Kua tuku atu tona vae taumatau ki te tai ma tona vae agavale ki te kelekele,