Mataio 8:2 - Tokelauan New Testament

² Oi hau ai he lēpela kua tōtuli i mua o ia ma lea vē atu ki a te ia, “Te Aliki, kāfai koe e loto ki ei, e kē mafaia oi fakamamā au.”

Mataio 8:2 ပူးပေါင်းရင်းမြစ်များ

Mataio 10:8

Fakamālōlō nā tauale, toe fakatutū nā tino kua oti, fakamamā ki lātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi.

Mataio 13:58

Ona ko to lātou hē fakatuatua e hēki lahi ai ni vāvega na fai e ia i kinā.

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 15:25

Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!”

Mataio 18:26

Oi fakapakū ai te kaukauna ki lalo, kua tōtuli ki mua o te tupu ma ole atu ki ei vēia, ‘Tuku mai ko fakamolemole hoku avanoa ke toe totogi atu ai nā mea uma lele e kaitālafu ai au ki a te koe.’

Mataio 2:11

Kua ulu atu ki lātou ki loto o te fale, oi kitea ai e ki lātou te tamaiti ma tona mātua ko Malia. Na tōtutuli ai loa ki lātou ki lalo kua ifo ki ei. Kua tōake foki ki luga a lātou meaalofa ko te aulo, ko te pulu lipano ma te pulu mulo, kua tuku atu ki a te ia.

Mataio 20:20

Oi hau ai te mātua o nā ataliki o Hepetaio ki a Iehu, fakatahi ma ona ataliki, kua tōtuli i mua o Iehu ma lea atu ki ei i he mea e fofou ia ki ei.

Mataio 26:6

Ko Iehu nae i Petania i te fale o Himona, he tamāloa nae maua i he tauale kino o te kili.

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Mataio 28:9

Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Mataio 4:9

Kua lea atu te Tiāpolo, “Ko nā mea uma lele iēnei ka fōki atu e au mo koe, kāfai koe e tōtuli ki lalo oi ifo mai ki a te au.”

Mataio 8:1

Kua fanaifo ia Iehu mai luga o te mauga, oi mulimuli atu ai ki ei he kaifenua e tokalahi.

Mataio 8:25

Oi olo ai te kau hoko oi fafagu ia Iehu ma lea vē atu ki ei, “Te Aliki, fakaola ko ki tātou auā ki tātou ka feoti!”

Mataio 9:18

Ka koi tautala atu ia Iehu i te mea tēnei, kae hau ki ei he takitaki Iutaia, kua tōtuli ki lalo i ona mua ma lea vē atu ki ei, “Ko toku afafine fātoā oti atu lava; kae hau ko oi fakaeke ō lima ki ona luga, kae ke toe ola.”

Luka 4:27

Ma nae tokalahi nā lēpela i Ihalaelu i nā aho o te pelofeta ko Elihaia; kae e hēai lele he tino o ki lātou iēnā na fakamālōlō, kae vaganā ai ia Namanu te Hulia.”

Ioane 9:38

“Te Aliki, ko au kua talitonu!” kua lea vēnā atu te tamāloa, ma tōtuli ifo ai ki lalo i mua o Iehu.

Gāluega 10:14

Kae kua lea vē atu ia Petelu, “Te Aliki, e hē kō faia he mea vēnā. Ko au e hēki kai lele ki he mea e hē mamā i nā itū tau tāpuakiga, pe hē tatau ke kai au ki ei.”

Gāluega 10:25

Kua havali atu ia Petelu ka ulu atu ki te fale, kae fakafeiloaki mai e Konelio, kua fakapakū ki ona vae, ma ifo atu ki a Petelu.

1 Kolinito 14:25

ka kaumai ki fafo mai o lātou loto o lātou manatunatuga lilo, ma ka fakapakukū ki o lātou tulivae ma ifo ki te Atua ma ta lātou takutinoga, “E moni lava ko te Atua e i kinei fakatahi ma koutou!”

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.