Mataio 8:16 - Tokelauan New Testament

¹⁶ I te afiafipō o te aho lava tēnā, na kaumai ai e ki lātou ki a Iehu nā tino e tokalahi nae ulufia e nā tēmoni. Na tuli e Iehu nā agaga kino ki fafo i he kupu ma fakamālōlō ki lātou uma nae tauale.

Mataio 8:16 ပူးပေါင်းရင်းမြစ်များ

Mataio 12:22

Oi kaumai e ni tino ki a Iehu he tamāloa e tāuaho ma gūgū, ona e ulufia e he tēmoni. Kua fakamālōlō e Iehu te tamāloa, ma na mafai ai te tamāloa ke tautala ma kitea e ona mata.

Mataio 14:14

Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Mataio 8:15

Kua paki atu ia Iehu ki te lima o te fafine; kua fano kehe te fiva mai te fafine, oi tū ake ai ki luga oi laulau te meakai a Iehu.

Mataio 8:33

Ko nā tino nae kikilagia nā puaka, kua fētutuli ki te kakai ma taku ki tagata te mea na tupu kinā taulelea nae ulufia e nā tēmoni.

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Maleko 2:3

kae taunuku mai nā tamāloa e toka fa, e hiki mai he tamāloa e mate tona tino kātoa, ki a Iehu.

Maleko 5:8

Kua māfua te lea vēnā o te tamāloa ona ko Iehu na lea vē, “Te agaga kino, hau ki fafo mai te tamāloa tēnā!”

Maleko 9:25

Kua kitea atu e Iehu te kaifenua kua kāmata nunu atu ki te mea e i ei ki lātou, oi fakatonu loa e ia te agaga kino vēnei, “Ko au e lea atu ki a te koe, te agaga e tutuli ma gūgū ai te taumalo, hau nei loa ki fafo, e hā foki koe oi toe ulu ki a te ia!”

Luka 13:12

I te kiteaga e Iehu o te fafine, oi kalaga atu ai ki ei ke fanake, ma lea vē atu ai ki ei, “Te māfine, ko koe kua mālohi i tō tauale!”

Luka 4:40

I te gotoga o te la, ko ki lātou uma lele nae i ei ni o lātou tino nae maua i nā itūkāigā tauale kehekehe, kua ōmamai ma kaumai ki a Iehu: kua fakauta ona lima ki luga o ki lātou tau tokatahi, oi mālōlō ai ki lātou uma.

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.

Gāluega 5:15

Ona ko nā mea a te kau apohitolo nae fai, na tahiki ai nā tauale ki luga o nā auala ma tuku ki luga o nā hofa ma nā epaepa, kae ke tau lava ko te ataata o Petelu ke pa ki luga o he vāega o ki lātou, kāfai e haele ake i te auala.