Mataio 8:14 - Tokelauan New Testament

¹⁴ Kua ulu atu ia Iehu ki te fale o Petelu, oi kitea ai e ia te mātua o te āvaga a Petelu e takoto i tona moega e tauale i te fiva.

Mataio 8:14 ပူးပေါင်းရင်းမြစ်များ

Mataio 17:25

“Io, e totogi,” kua tali atu ia Petelu. I te ulu atuga o Petelu ki lotofale, oi fakataumuna muamua ai ki ei ia Iehu, “Himona, he ā nei hō manatu? Ko ai te totōgia nā tiute pe ko nā lāfoga ki nā tupu o mālō o te lalolagi? Ko tagata tōtino o te fenua pe ko tagata nukukehe?”

Mataio 8:15

Kua paki atu ia Iehu ki te lima o te fafine; kua fano kehe te fiva mai te fafine, oi tū ake ai ki luga oi laulau te meakai a Iehu.

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

1 Kolinito 9:5

E hē ia te au nei te aiātatau ke fakatakitaki ai ki nā mea nae fai e iētahi apohitolo ma nā uho o te Aliki ma Petelu, i toku fano ma kave haku āvaga Kelihiano i aku faigāmalaga?

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 4:3

E akoako e ki lātou ko te fakaipoipo ma te kakai ki ni itūkāigā meakai, e hē ni mea e tatau ke fai. Oi ka ko nā meakai uma iēnei na gaohia e te Atua ke kakai ki ei, kāfai kua uma he tatalo fakafetai, nā tino kua talitonu ma iloagia te meamoni.

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.